საპარლამენტო უმრავლესობის წევრის მაია ბითაძის განცხადებით, მაია ცქიტიშვილი „არც გიორგი გახარიას და არც ვინმეს კადრი არ იყო“.

მისი თქმით, მაია ცქიტიშვილმა ახალი მთავრობის ფორმირება თანამდებობის დატოვებისთვის გამოიყენა.

"მაია ცქიტიშვილი არის "ქართული ოცნების" სათავეებიდან გუნდში მყოფი ადამიანი, რომელიც მაღალი კვალიფიციურობით გამოირჩეოდა, ყველა იმ თანამდებობაზე, რომელსაც იკავებდა. მე მასთან ძალიან ბევრჯერ მქონდა ურთიერთობა და შემიძლია გითხრათ, რომ იყო გამორჩეული საჯარო მოხელე, თანამდებობის პირი, რომელიც მაღალკვალიფიციურობით გამოირჩეოდა, იყო კარგი გუნდური მოთამაშე. გვაქვს პროცედურა, როცა მთავრობა გადაყენებულად ითვლება და უფლებამოსილება თავიდან ცხადდება, მაიამ გამოიყენა ეს რომ დაეტოვებინა თანამდებობა", - განაცხადა ბითაძემ.

ცნობისთვის, ვიცე-პრემიერი, ინფრასტრუქტურის მინისტრი მაია ცქიტიშვილი, მთავრობის ახალ შემადგენლობაში აღარ იქნება.