ვახტანგ მახარობლიშვილი ტომას ბუშსბაუმს შეხვდა

საქართველოს საგარეო საქმეთა მინისტრის პირველ მოადგილეს, ვახტანგ მახარობლიშვილსა და აღმოსავლეთ პარტნიორობაზე ავსტრიის სპეციალურ წარმომადგენელ ტომას ბუშსბაუმს შორის ვიდეო-შეხვედრა გაიმართა.

როგორც „ინტერპრესნიუსს“ საგარეო საქმეთა სამინისტროდან აცნობეს, საუბრის მთავარი თემა აღმოსავლეთ პარტნიორობის კონტექსტში საქართველოს პრიორიტეტები იყო.

მათივე ინფორმაციით, მხარეებმა განიხილეს აღმოსავლეთ პარტნიორობის 2021 წლის მეორე ნახევარში დაგეგმილი სამიტის მთავარი თემები.

„მინისტრის პირველმა მოადგილემ ავსტრიელ კოლეგას გააცნო ქართული მხარის ყველა პრიორიტეტი ამ მიმართულებით. ავსტრიის ელჩმა დაადასტურა აღმოსავლეთ პარტნიორობის სტრატეგიული მნიშვნელობა ევროკავშირისთვის; ასევე, პარტნიორობის ფარგლებში დიფერენციაციის პრინციპის უფრო აქტიურად და ეფექტიანად გამოყენების საჭიროება, რაც მოიცავს ევროკავშირთან უფრო მეტად დაახლოების მსურველი და ამისთვის მზადმყოფი ქვეყნებისთვის ინტეგრაციის მეტი შესაძლებლობების მიცემას. მან ასევე აღნიშნა, რომ მნიშვნელოვანია ასოცირებული პარტნიორების ევროპული მისწრაფებებისა და არჩევანის პატივისცემა და ევროკავშირთან სექტორული ინტეგრაციის პროცესში მათთვის შესაბამისი დახმარების გაწევის გაგრძელება. მხარეები შეთანხმდნენ, რომ სამიტის მოსამზადებელ ეტაპზე გააგრძელებენ მუშაობას ორმხრივ და მრავალმხრივ ფორმატებში პოზიციების მაქსიმალური კოორდინაციის მიზნით“, - აღნიშნულია საგარეო უწყების მიერ გავრცელებულ ინფორმაციაში.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს