მამუკა მდინარაძე "ნაციონალურ მოძრაობაზე" - დეკლარირებას უკეთებ, თითქოს ხარ კონსტრუქციული და ყველაფერს აკეთებ დესტაბილიზაციისთვის, ეს ორი რამ ერთმანეთთან შეუთავსებელია

ჩვენ ვხედავთ ისევ ორმაგ სტანდარტს „ნაციონალური მოძრაობის“ მხრიდან. ერთი მხრივ, დეკლარირებას უკეთებ, თითქოს ხარ კონსტრუქციული, მეორე მხრივ ყველაფერს აკეთებ დესტაბილიზაციისთვის, ეს ორი რამ ერთმანეთთან შეუთავსებელია, - განუცხადა ჟურნალისტებს ფრაქცია „ქართული ოცნების“ თავმჯდომარე მამუკა მდინარაძემ.

მისი თქმით, საბედნიეროდ, მათ ეს არ გამოსდით.

„ორმაგი სტანდარტია, როდესაც ერთი მხრივ, თითქოს ითვალისწინებ საერთაშორისო პარტნიორების მოწოდებებს, კონსტრუქციულ რეჟიმში დაბრუნდეს პროცესი ყველა მხრიდან, მეორე მხრივ, ავრცელებ ინფორმაციას, რომ მზად ხარ დაჯდე მოლაპარაკების მაგიდასთან, იყო კონსტრუქციული, ამ დროს გარბოდე პარლამენტთან, კარვების გაშლას, დესტრუქციას აწყობდე და ცდილობდე, შექმნა ქაოსი, რომელიც საბედნიეროდ, მათ არ გამოსდით. როდესაც ერთი მხრივ დეკლარირებას უკეთებ, თითქოს შენ ხარ კონსტრუქციული, მეორე მხრივ დესტაბილიზაციისთვის აკეთებ ყველაფერს და თან არ გამოგდის, ეს ორი რამ ერთმანეთთან შეუთავსებელია“ , - განაცხადა მამუკა მდინარაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა