ამერიკელი სენატორები - ქართული პოლიტიკური სპექტრის ყველა მხარე მოლაპარაკების მაგიდას უნდა დაუბრუნდეს და  პოლიტიკური ატმოსფერო უნდა განმუხტოს

ღრმად შეშფოთებულები ვართ საქართველოში ბოლო დროს განვითარებული პოლიტიკური მოვლენების გამო. ქართველი ხალხი კანონის უზენაესობას, დემოკრატიასა და პატიოსან, დამოუკიდებელ სასამართლო სისტემას იმსახურებს, - ამის შესახებ აშშ-ის სენატის საგარეო ურთიერთობათა კომიტეტის წევრის, ჯიმ რიშისა და ევროპისა და რეგიონული თანამშრომლობის ქვეკომიტეტის თავმჯდომარის, ჯინ შაჰინის ერთობლივ განცხადებაშია აღნიშნული.

მათივე თქმით, სიტუაციის განსამუხტად ყველა პოლიტიკური მხარე მოლაპარაკებების მაგიდას უნდა დაუბრუნდეს.

„ბოლო რამდენიმე წლის განმავლობაში, საქართველოს ოფიციალურ პირებთან ბევრჯერ წამოვჭერით პოლიტიკური დევნის პრობლემა. მიუხედავად იმისა, რომ მოხარული ვართ ოპოზიციის ლიდერის, ნიკა მელიას დაკავების გადაწყვეტილების გაუქმებით, ასეთი პოლიტიკური დევნა და დაკავებები არ უნდა ხდებოდეს. ახლა პოლიტიკური სპექტრის ყველა მხარე უნდა დაუბრუნდეს მოლაპარაკების მაგიდას და განმუხტოს პოლიტიკური ატმოსფერო. ვიმედოვნებთ, რომ ეს პოლიტიკური კრიზისი დასრულდება სწრაფად და მშვიდობიანად“, – აღნიშნულია სენატორების განცხადებაში.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს