ნინო წილოსანი - მინისტრთა კაბინეტისადმი ჩვენი შეთავაზება იქნება, რომ რეგულაციების მოხსნასთან დაკავშირებით ფრთხილად ვიმოქმედოთ

აგრარულ საკითხთა კომიტეტის თავმჯდომარის ნინო წილოსანის განცხადებით, მომავალი პრემიერ-მინისტრი, პანდემიის გამო არსებულ რეგულაციებთან დაკავშირებით, სავარაუდოდ, გარკვეულ ცვლილებებს განახორციელებს და ამიტომ, მინისტრობის კანდიდატების მოსმენისას დეპუტატები ყურადღებას ამ საკითხზეც გაამახვილებენ.

როგორც წილოსანმა ჟურნალისტებს განუცხადა, პარლამენტის შეთავაზება იქნება, რომ რეგულაციების მოხსნასთან დაკავშირებით ფრთხილად იმოქმედონ.

„აქცენტი გვექნება ეკონომიკის, სოფლის მეურნეობის და ინფრასტრუქტურის მიმართულებით სიახლეებზე. პრემიერ-მინისტრი, რომელიც ახალი კადრია, გარკვეულ ცვლილებებს განახორციელებს ალბათ რეგულაციებთან დაკავშირებით. ჩვენი შეთავაზება იქნება, რომ რეგულაციების მოხსნასთან დაკავშირებით ვიმოქმედოთ ფრთხილად. ასევე აქცენტი გაკეთდება ბიუჯეტის ნაწილზე, რადგან საკმაოდ რთული წელი გველის პანდემიიდან გამომდინარე”,- განაცხადა წილოსანმა.

ცნობისთვის, საქართველოს პარლამენტის კომიტეტებში მთავრობისადმი ნდობის გამოცხადების საკითხის განხილვა მიმდინარეობს. კომიტეტების ფორმატში გარემოს დაცვისა და სოფლის მეურნეობის, ეკონომიკისა და მდგრადი განვითარების, რეგიონული განვითარებისა და ინფრასტრუქტურის, ფინანსთა და საგარეო საქმეთა მინისტრობის კანდიდატებს და შესაბამისად, სამთავრობო პროგრამას უსმენენ.

იხილეთ ვიდეო:ნინო წილოსანი - მინისტრთა კაბინეტისადმი ჩვენი შეთავაზება იქნება, რომ რეგულაციების მოხსნასთან დაკავშირებით ფრთხილად ვიმოქმედოთ

რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)