ნიკოლოზ სამხარაძის განცხადებით, ლიეტუველ კოლეგასთან შეხვედრაზე ნიკა მელიას საქმეზე და გამოსავლის ძიებაზე ისაუბრეს

პარლამენტის საგარეო ურთიერთობა კომიტეტის თავმჯდომარის ნიკოლოზ სამხარაძის განცხადებით, ლიეტუველ კოლეგასთან ჟიგიმანტას პავილიონისთან შეხვედრაზე ნიკა მელიას საქმეზე ისაუბრეს და გამოსავლის გზებთან დაკავშირებით ერთიან პოზიციაზე შეჯერდნენ.

როგორც სამხარაძემ შეხვედრის შემდეგ ჟურნალისტებს განუცხადა, შეხვედრაზე აღინიშნა, რომ სიტუაციის დეესკალაცია ძალიან მნიშვნელოვანია.

“ვისაუბრეთ ამ საქმის სამართლებრივ მიმართულებაზეც, ასევე მის პოლიტიკურ მნიშვნელობაზეც. ვისაუბრეთ გამოსავლის ძიებაზეც და ერთიანი პოზიცია ჩამოგვიყალიბდა ამასთან დაკავშირებით. ჩვენ ვისაუბრეთ იმაზე, რომ სიტუაციის დეესკალაცია არის განსაკუთრებით მნიშვნელოვანი”,- განაცხადა სამხარაძემ.

მისივე თქმით, ლიეტუველ კოლეგასგან შეხვედრისას შეთანხმდნენ, რომ საქართველოში არსებული ვითარებიდან გამოსავალი პოლიტიკური დიალოგია.

“ჩვენ ვთანხმდებით იმაზე, რომ შექმნილი ვითარებიდან გამოსავალი არის პოლიტიკური დიალოგი და ყველა - როგორც ოპოზიციური, ისე მმართველი პარტია, უნდა დასხდეს მოლაპარაკების მაგიდასთან და ერთად ვიპოვოთ გამოსავალი იმიტომ, რომ საქართველოს განვითარებისთვის მნიშვნელოვანია, ქვეყანაში იყოს მშვიდობა, ნორმალურად ფუნქციონირებდეს პარლამენტი, იყოს ეკონომიკური განვითარება. სიტუაციის დეესკალაცია უნდა მოხდეს - ამაზე შევთანხმდით”,- განაცხადა სამხარაძემ.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს