ნათია თურნავა - ინვესტორებს ჩვენთან დახვდებათ სტაბილური მაკროეკონომიკური გარემო, პროგნოზირებადი თამაშის წესები და ევროპული ტიპის კანონმდებლობა

„პოსტპანდემიური ვითარება გვაძლევს საშუალებას, რომ უფრო თამამი ნაბიჯებით ვიაროთ, უფრო პროაქტიულად ინვესტიციების მოზიდვის თვალსაზრისითაც. მაგალითად, გლობალური, სხვადასხვა დარგის ლიდერი ინვესტორები და ბრენდის ინვესტორები თუ შემოვლენ, მზად ვართ, მათ განსაკუთრებით შეღავათიანი პაკეტები შევთავაზოთ“, - ამის შესახებ ნათია თურნავამ საკომიტეტო მოსმენაზე დასმული კითხვის საპასუხოდ განაცხადა.

მინისტრობის კანდიდატის შეფასებით, ყველაზე მთავარი, რასაც ინვესტორები აქცევენ ყურადღებას, არის სტაბილური მაკროეკონომიკური გარემო, სადაც ინვესტორს შედარებით პროგნოზირებადი და დაბალი რისკის პირობებში, შედარებით მაღალი მოგების მიღება შეუძლია.

„ეს არის ერთგულება რეფორმების კურსისადმი, რაც იმას ნიშნავს, რომ აქ ინვესტორს დახვდება პროგნოზირებადი თამაშის წესები და ევროპული ტიპის კანონმდებლობა. მას შეუძლია პროგნოზირებადი ბიზნესგეგმა გათვალოს და გააკეთოს საქართველოში, რადგან ჩვენი ხელისუფლება, გუნდი, ჩვენი მთავრობა რეფორმირების კურსის ერთგულია. ეს არის ბიზნესის თავისუფლების მაღალი ხარისხი, რაც ჩვენმა ხელისუფლებამ მოიტანა, ეს არის ჩაურევლობა ბიზნესის საქმიანობაში, ყველა რეიტინგის მიხედვით ყველაზე დაბალი ბიუროკრატია და ნაკლები შეხების წერტილი ბიზნესსა და ხელისუფლებას შორის, ასევე ეს არის ჩვენი მხარდაჭერის პროგრამები, რომლებიც ყოველთვის მიმდინარე ვითარების ადეკვატურია“ , - აღნიშნა ეკონომიკის მინისტრობის კანდიდატმა.

მისივე თქმით, ხელისუფლებისთვის პრიორიტეტულია ინვესტიციების ორი მიმართულება - პირველია ხარისხიანი ინვესტიცია, რომელიც არის მაღალი დამატებითი ღირებულების შექმნაზე ორიენტირებული, მეორე კი მაღალ დასაქმებაზე ორიენტირებული ინვესტიცია და ორივე პრიორიტეტი თანაბრად მნიშვნელოვანია.

„მაგალითად, პროგრამის „აწარმოე საქართველოში“ ფარგლებში გვაქვს ისეთი მიმართულებები გამოყოფილი, როგორიცაა მანქანათმშენებლობა, ჩარხთმშენებლობა, ელექტრონიკა, ლოგისტიკა და ლოგისტიკური სერვისები, ბიზნესპროცესების აუტსორსინგი, ფარმაცევტიკა და სხვა - ეს ის დარგებია, სადაც განსაკუთრებულად მხარს დავუჭერთ და ხელს შევუწყობთ ინვესტიციების შემოსვლას“, - აღნიშნა ნათია თურნავამ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი