ჩვენი ბედი ძალიან მსგავსი იყო, თქვენი წარსულისა, ჩვენ ყველა ერთსა და იმავე ციხეში ვიყავით, გამოვედით ამ ციხიდან და ახლა გვინდა, რომ საქართველო გაჰყვეს ლიეტუვის გზას,- ამის შესახებ ლიეტუვის პარლამენტის საგარეო ურთიერთობათა კომიტეტის თავმჯდომარემ ჟიგიმანტას პავილიონისმა ოპოზიციურ პარტიებთან შეხვედრის დასრულების შემდეგ ჟურნალისტებთან განაცხადა.
მან საქართველოს მთავრობას მოუწოდა, გადადგას ნაბიჯი და მიიღოს საჭირო გადაწყვეტილებები, იმისთვის, რომ დიალოგის რეჟიმის ამოქმედებას ხელი შეუწყოს.
„საბჭოთა ოკუაციის დღე, ასევე, ძალიან მნიშვნელოვანია, რომელიც გვახსენებს თუ როდის დაკარგა საქართველომ თავისუფლება. ვიმედოვნებ, რომ ეს დღეები იქნება ერთიანობისა და დიალოგის დღეები და არა ესკალაციის. ჩვენ მოვუწოდებთ საქართველოს მთავრობას, გადადგას ნაბიჯი, იმისთვის, რომ მიიღოს აუცილებელი გადაწყვეტილებები და ხელი შეუწყოს დიალოგის რეჟიმის ამოქმედებას. ჩვენ ვართ ლიეტუვის თავმდაბალი პატარა ქვეყანა, ჩვენი ბედი ძალიან მსგავსი იყო თქვენი წარსულისა, ჩვენ ყველა ერთსა და იმავე ციხეში ვიყავით, გამოვედით ამ ციხიდან და ახლა გვინდა, რომ საქართველო გაჰყვეს ლიეტუვის გზას. ვიმედოვნებ, რომ ყველა ერთად მივაღწევთ სასურველ შედეგს,“- განაცხადა ჟიგიმანტას პავილიონისმა.