„ევროპელი სოციალისტების" წევრის, დეპუტატ დავით ზილფიმიანის განცხადებით, მისი პარტია მთავრობის ახალ შემადგენლობას მხარს არ დაუჭერს.

როგორც ზილფიმიანმა ჟურნალისტებს განუცხადა, შეიძლება, ზოგიერთი მინისტრი მათ მოსწონდეთ, თუმცა მთლიანად მინისტრთა კაბინეტს „ევროპელი სოციალისტების" მხარდაჭერა არ ექნება.

„ვოცნებობ დღეზე, როდესაც ჩვენი კანონმდებლობა განსაზღვრავს, რომ როდესაც ხდება მთავრობის წარდგენა, არა კოლექტიურად, არამედ ინდივიდუალურად ეყაროს კენჭი მინისტრებს. ამას უნდა მივაღწიოთ. შეიძლება ვიღაც კარგი იყოს, ადამიანები ვართ, ჩასაფრებულ პოზაში ხომ არ ვიქნებით, შეიძლება ვიღაც არ ვარგოდეს, ამის გამო გამოდის, რომ ან ხო უნდა თქვა, ან - არა. ჩვენ მხარს არ დავუჭერთ",- განაცხადა ზილფიმიანმა.