ბადრი ჯაფარიძე - თუ მოლაპარაკებების პროცესი დაიწყება, საპროტესტო აქციების გადადება შესაძლებელია - ჩვენი მიზანია პოლიტიკური კრიზისის განმუხტვა

„ლელო - საქართველოსთვის“ ლიდერის ბადრი ჯაფარიძის განცხადებით, თუ ოპოზიციასა და ხელისუფლებას შორის მოლაპარაკება შედგება, ოპოზიციის მიერ დაგეგმილი საპროტესტო აქციები შესაძლოა, გადაიდოს. ამის შესახებ ბადრი ჯაფარიძემ ჟურნალისტებს „ნაციონალური მოძრაობის" ოფისში, ოპოზიციის ლიდერებისა და ლიეტუვის პარლამენტის საგარეო ურთიერთობათა კომიტეტის თავმჯდომარის ჟიგიმანტას პავილიონისს შორის გამართული შეხვედრის დასრულების შემდეგ განუცხადა.

„თუ მოლაპარაკებების პროცესი დაიწყება, რა თქმა უნდა, საპროტესტო აქციების გადადება შესაძლებელია, რადგან ჩვენი ამოცანა და მიზანი საპროტესტო აქციები კი არ არის, ჩვენი ამოცანა და მიზანია პოლიტიკური კრიზისის განმუხტვა ამ ქვეყანაში. წინააღმდეგ შემთხვევაში, ჩვენ შეიძლება ვნახოთ ისეთი პროცესები, რომლის კონტროლი შეუძლებელი იქნება და ჩვენი მოქალაქეები ძალიან დიდ ზიანს მიიღებენ. ამიტომ, ჩვენი ამოცანაა შეთანხმების მიღწევა ორივე მიმართულებით. პირველი, კრიზის დაუყოვნებლივი განმუხტვა, რომელიც დაკავშირებულია მელიას დაპატიმრებასთან მიმართებით მიღებულ გადაწყვეტილებაზე. მეორე - პოლიტიკური კრიზისი, რომელიც წარმოიშვა 31 ოქტომბრის შემდეგ", - განაცხადა ბადრი ჯაფარიძემ.

რაც შეეხება ლიეტუვის საგარეო ურთიერთობის კომიტეტის თავმჯდომარესთან შეხვედრას, როგორც ბადრი ჯაფარიძემ აღნიშნა, პარტნიორები მზად არიან იმისთვის, რომ მიმდინარე პოლიტიკური კრიზისის განმუხტვას ხელი შეუწყონ და მიღწეულ იქნას შეთანხმება ოპოზიციასა და ხელისუფლებას შორის.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა