პარლამენტთან, სადაც სამოქალაქო აქტივისტები კარვების გაშლას ცდილობდნენ, კვლავ ხმაურია
კვლავ ხმაურია პარლამენტის მიმდებარე ტერიტორიაზე, სადაც მოძრაობა "საქართველოსთვის" და "სირცხვილია" აქციას მართავს.
აქციის მონაწილეები კონსტიტუციის 100 წლის იუბილესთან დაკავშირებით სიმბოლურად პარლამენტის წინ კარვების დადგმას ცდილობდნენ, რისი საშუალებაც სამართალდამცველებმა არ მისცეს.
მოძრაობა "საქართველოსთვის" ინფორმაციით, ადგილზე რამდენიმე ადამიანი დააკავეს.
აქციის მონაწილეებს მიტანილი აქვთ პლაკატები და ცდილობენ, სამართალდამცველებს აუხსნან, რომ შეკრებისა და გამოხატვის თავისუფლება მათი კანონიერი უფლებაა.
აქტივისტები სამართალდამცველების მოთხოვნას არ ემორჩილებიან და სამართალდამცველებს მიმართავენ, რომ ისინი "ბიძინა ივანიშვილის მონები არიან, რომლებიც მის უკანონო დავალებებს ასრულებენ".
