დავით გაბაიძე და ზურაბ ჭურკვეიძე საქართველოს პარლამენტში ქვეყნის პირველი კონსტიტუციის 100 წლის იუბილესადმი მიძღვნილ ღონისძიებებს დაესწრნენ

აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე და საკანონმდებლო ორგანოს აპარატის უფროსი, ზურაბ ჭურკვეიძე, საქართველოს პარლამენტში ქვეყნის პირველი კონსტიტუციის 100 წლის იუბილესადმი მიძღვნილ ღონისძიებებს დაესწრნენ. ამის შესახებ ინფორმაციას აჭარის მთავრობა ავრცელებს.

მათივე ცნობით, საზეიმო სხდომა საქართველოს პარლამენტის თავმჯდომარემ არჩილ თალაკვაძემ გახსნა.

საიუბილეო ღონისძიების მონაწილეებს სიტყვით მიმართეს: საქართველოს პრეზიდენტმა სალომე ზურაბიშვილმა, პრემიერ-მინისტრობის კანდიდატმა ირაკლი ღარიბაშვილმა და საკონსტიტუციო სასამართლოს თავმჯდომარემ მერაბ ტურავამ.

„ქვეყნისათვის უმნიშვნელოვანესი, გარდამტეხი ისტორიული პროცესებისა და მისი პირველი კონსტიტუციის მიღებასთან დაკავშირებული ნიუანსების გახსენება-გაანალიზების შემდგომ, საპარლამენტო უმრავლესობის ლიდერი, „ქართული ოცნება-დემოკრატიული საქართველოს“ თავმჯდომარე ირაკლი კობახიძე „თავისუფლების საპარლამენტო ორდენით“ დააჯილდოვდა”, - აღნიშნულია ინფორმაციაში.

ირაკლი კობახიძის განცხადებით, კანონმდებლობით დადგენილ შესაბამის ფულად ჯილდოს ის ონკოლოგიური დიაგნოზის მქონე ბავშვებს გადაურიცხავს.

“საიუბილეო ღონისძიებების ფარგლებში, საქართველოს პარლამენტის თავმჯდომარემ არჩილ თალაკვაძემ და დიდი ქართველი საზოგადო მოღვაწის შთამომავალმა, 10 წლის ექვთიმე თაყაიშვილმა, „ექვთიმე თაყაიშვილის სახელობის ქართული პარლამენტარიზმის მუზეუმი“ გახსნეს. აქ დამთვალიერებლებს სრული წარმოდგენა შეექმნებათ 1919 წლიდან ქართული პარლამენტარიზმის დღემდე განვლილ გზაზე, გაეცნობიან ჩვენი ქვეყნისა და უცხოეთის სხვადასხვა არქივებსა თუ წიგნთსაცავებში დაცულ უმნიშვნელოვანეს დოკუმენტებს, ასევე, თამარ მეფის დროინდელი „კარვის“ შესახებ ექსპოზიციას, რაც საქართველოში პარლამენტარიზმის დამკვიდრების პირველ მცდელობად მიიჩნევა”, - ნათქვამია განცხადებაში.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს