დავით ზილფიმიანი - ფიცი მწამს, ბოლო მაკვირვებს - საქართველოში ვაქცინაცია არ დაწყებულა, რასაც მივიჩნევთ, დანაშაულებრივ პასიურობად

ფიცი მწამს, ბოლო მაკვირვებსო - ფაქტი სახეზეა, რომ საქართველოში ვაქცინაცია არ დაწყებულა, ამას ჩვენ მივიჩნევთ, დანაშაულებრივ პასიურობად, - ამის შესახებ "ევროპელი სოციალისტების" წევრმა, დეპუტატმა დავით ზილფიმიანმა პარლამენტში, კომიტეტების ერთობლივ სხდომაზე განაცხადა, სადაც ჯანდაცვის მინისტრობის კანდიდატ ეკატერინე ტიკარაძეს უსმენდნენ.

მისივე თქმით, თითქმის ყველა ქვეყანაში რომელიც განვითარების საშუალო დონეზე მაინც იმყოფება, ვაქცინაცია დაწყებულია და ეს პროცესი ორი თვეა მიმდინარეობს.

,,პრაქტიკულად ყველა თანაბრად ვართ ინფორმირებული ვირუსის გავრცელებაზე, ტენდენციებზე, მკურნალობაზე, ვაქცინაციაზე და ა.შ. ყველამ ვიცით, რომ თითქმის ყველა ქვეყანაში, რომელიც განვითარების საშუალო დონეზე მაინც იმყოფება, დაწყებულია ვაქცინაცია. ეს პროცესი უკვე ორი თვეა მიმდინარეობს. თქვენ ბრძანეთ, რომ დრო სჭირდება შერჩევას, პლატფორმებს, მოლაპარაკებებს... გეთანხმებით, მაგრამ ყველაფერი რაც თქვენ ჩამოთვალეთ საერთოა ყველა ქვეყნისთვის - ეს ყველამ უნდა გაიაროს. თქვენგან მინდა მოვისმინო, მაინც რომელმა უწყებამ გამოიჩინა პასიურობა? დღეს არცერთი ვაქცინა საქართველოს ტერიტორიაზე არ არის, განსხვავებით სხვებისგან“, - აღნიშნა დავით ზილფიმიანმა.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა