ეკატერინე ტიკარაძე - სახელმწიფომ პაციენტებისთვის ძვირადღირებული კარდიოლოგიური მოწყობილობის-დეფიბრილატორების უსასყიდლოდ გადაცემა უზრუნველყო

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატმა ეკატერინე ტიკარაძემ საკომიტეტო მოსმენაზე სამედიცინო მომსახურეობებზე ფასების დადგენის საკითხზეც ისაუბრა და აღნიშნა, რომ სატარიფო პოლიტიკის მიმართულებით მნიშვნელოვანი ნაბიჯები გადაიდგა.

მისი განცხადებით, სახელმწიფომ უზრუნველყო ძვირადღირებული კარდიოლოგიური მოწყობილობის-დეფიბრილატორების უსასყიდლოდ გადაცემა პაციენტებისთვის, რომელთა მხრიდან თანაგადახდა 19 000 ლარიდან 750 ლარამდე შემცირდა.

„მინდა შევეხო სამედიცინო მომსახურებებზე ფასების დადგენის საკითხს. როგორც მოგეხსენებათ, 2019 წლიდან სამინისტრომ დაიწყო ერთიანი სატარიფო პოლიტიკის გატარება. ამ მიმართულებით უკვე გვაქვს მნიშვნელოვანი შედეგები. გარდა იმისა, რომ ახალი ტარიფებიდან გამომდინარე შემცირდა მოქალაქის ჯიბიდან დანახარჯები, სახელმწიფომ უზრუნველყო ძვირადღირებული კარდიოლოგიური მოწყობილობის-დეფიბრილატორების უსასყიდლოდ გადაცემა პაციენტებისთვის. აღნიშნული მომსახურებით უკვე სარგებლობენ ჩვენი მოქალაქეები, რომელთა მხრიდან თანაგადხა 19 000 ლარიდან 750 ლარამდე შემცირდა. ტარიფების დადგენის სამუშაოები აქტიურად გრძელდება სხვა ნოზოლოგიების მიმართულებითაც და საზოგადოებას უახლოეს პერიოდში მივაწვდით ინფორმაციას იმ მომსახურებების შესახებ, რომლებიც მათთვის ფინანსურად კიდევ უფრო ხელმისაწვდომი გახდება. ასევე, მინდა ხაზგსამით აღვნიშნო, რომ ტარიფიკაციაზე მუშაობის პროცესში ჩვენ ვხელმძღვანელობთ როგორც სახელმწიფო, ისე კერძო სექტორის ინტერესებიდან გამომდინარე. ჩვენი ყურადღება გამახვილებულია ყველა იმ დეტალზე, რომელიც ქმნის მომსახურების ღირებულებას", - განაცხადა ეკატერინე ტიკარაძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს