ინფიცირების მაჩვენებელი არის მნიშვნელოვნად დაწეული, აქედან გამომდინარე გვაქვს გარკვეული მოლოდინები იმის, რომ მოხერხდება ეკონომიკური გახსნა,- ამის შესახებ ჯანდაცვის მინისტრობის კანდიდატმა ეკატერინე ტიკარაძემ ჟურნალისტებთან განაცხადა.
როგორც მან აღნიშნა, ამ ეტაპზე მთავრობას სჭირდება ერთი კვირიდან ათ დღემდე პერიოდი იმისთვის, რომ გახსნის შედეგად მიღებული შედეგები გაანალიზოს და ამის შემდეგ ისაუბრებენ იმაზე, თუ რომელი სექტორი იქნება შემდეგი.
"მნიშვნელოვანია გავითვალისწინოთ, რომ როგორც პირველი, ასევე მეორე ფაზის შემთხვევაში, ეპიდემიოლოგიურად მნიშვნელოვანია, რომ ყოველი ორი კვირის ინტერვალით მოხდეს გაანალიზება იმ არსებული შედეგების, რომელიც გამოწვეულია თითოეული ქმედებით. ამ ეტაპისთვის ჩვენ გვაქვს გახსნები და თითოეულ გახსნას უნდა დავაკვირდეთ ორი კვირის ინტერვალით და ვიმოქმედოთ შესაბამისად", - განაცხადა ტიკარაძემ.