საქალაქო სასამართლოს გადაწყვეტილებით, პარლამენტის წინ, საპროტესტო აქციაზე დაკავებული ერთ-ერთი აქტივისტი გათავისუფლდა

თბილისის საქალაქო სასამართლომ პარლამენტის წინ, საპროტესტო აქციაზე დაკავებული მოძრაობა "საქართველოსთვის" აქტივისტი გიორგი მუმლაძე გაათავისუფლა.

მოსამართლემ მას სიტყვიერი შენიშვნა მისცა.

შინაგან საქმეთა სამინისტროს ცნობით, დღეს, საკანონმდებლო ორგანოსთან მიმდინარე საპროტესტო აქციაზე, სამართალდამცველებმა ადმინისტრაციულ სამართალდარღვევათა კოდექსის 173-ე მუხლის (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) საფუძველზე 8 პირი დააკავეს. როგორც უწყების განცხადებაშია აღნიშნული, არაერთი მოწოდებისა და გაფრთხილების მიუხედავად, აქციის მონაწილეები არ დაემორჩილნენ შინაგან საქმეთა სამინისტროს წარმომადგენლების კანონიერ მოთხოვნას, გააგრძელეს მართლსაწინააღმდეგო ქმედება, რის შემდეგაც მოხდა მათი დაკავება. შსს-მ აქციის მონაწილეებს მოუწოდა, დაიცვან საზოგადოებრივი წესრიგი.

ცნობისთვის, დღეს პარლამენტის შენობის წინ მოძრაობა "საქართველოსთვის" და "სირცხვილიას" აქტივისტებმა კარვის გაშლა სცადეს, რისი უფლებაც სამართალდამცველებმა არ მისცეს. აქციაზე ფიზიკური და სიტყვიერი დაპირისპირება მოხდა, რის შედეგადაც 8 ადამიანი დააკავეს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა