გივი მიქანაძე - კონსტრუქციული დიალოგისთვის 24 - საათიანი მზაობა გვაქვს

ჩვენ კონსტრუქციული დიალოგისთვის 24 - საათიანი მზაობა გვაქვს - ის, რომ ოპოზიცია მოლაპარაკების მაგიდასთან დაჯდომის მზაობას გამოთქვამს, გარკვეულ ნიშნებს აჩვენებს, რომ გარკვეულ საკითხებზე შესაძლებელია მოვილაპარაკოთ,- ამის შესახებ საპარლამენტო უმრავლესობის წევრმა გივი მიქანაძემ ჟურნალისტებთან განაცხადა, რითაც ოპოზიციის მიერ 25 თებერვალს დაგეგმილი აქციის გადადებას გამოეხმაურა.

მიქანაძის განცხადებით, ისინი მზად არიან ნებისმიერი საკითხი მიმოიხილონ და ნახონ, სად შეიძლება იყოს შეხების წერტილები.

"ბოლო 9 წლის განმავლობაში აქციების გამართვა, აზრის თავისუფლად გამოხატვა და სხვა უფლებები არის ფუნდამენტურად დაცული, ამიტომ არც არავის შეუზღუდავს აქციების გამართვა და აზრის გამოთქმის შესაძლებლობა. მეორე მომენტია, რამდენად აქვთ რესურსი ჩვენს ოპონენტებს იმისა, რომ დაანონსებული ფართომასშტაბიანი აქციები განეხორციელებინათ, მაგრამ მთავარი აქ ეს არ არის. მთავარი არის, რომ ისინი აცხადებენ, რომ მოლაპარაკების მაგიდასთან დაჯდნენ. მინდა გითხრათ, რომ ჩვენი გუნდი, ჩვენი ხელისუფლება მოლაპარაკებების მაგიდიდან არასოდეს წასულა, ყოველთვის ვიყავით მოლაპარაკების ინიციატორი, მომხრე და ვაცხადებდით, რომ ყველა საკითხი უმჯობესია გადაწყდეს მოლაპარაკების გზით, მთავარია რომ ეს იყოს აუცილებლად კონსტრუქციული. 24 - საათიან რეჟიმში ჩვენი მზაობა არის ამ მოლაპარაკების გაგრძელების, ჩვენი სურვილიც არის, მაგრამ ეს მოლაპარაკებები აუცილებლად კონსტრუქციულ რეჟიმში უნდა განხორციელდეს და უნდა იყოს აუცილებლად ჩვენი ქვეყნის ინტერესებზე და კონკრეტულ საკითხებზე აქცენტირებული, რომელიც ჩვენი საზოგადოებისთვის არის მნიშვნელოვანი,"- განაცხადა მიქანაძემ.

კითხვაზე რამდენად შესაძლებელია მელიას პატიმრობის პირობებში განახლდეს მოლაპარაკებები, მიქანაძე ამბობს, რომ კანონის აღსრულება მნიშვნელოვანია, თუმცა, ოპოზიციის მზადყოფნა აჩვენებს, რომ გარკვეულ საკითხებზე მოლაპარაკება შესაძლებელია.

"პოლიტპატიმრები ქვეყანაში არ არის, არ იქნებიან. ქვეყანა ვერ შედგება, თუ კანონის აღსრულება არ გვექნება რეალურ სურათად, არავინ უნდა იყოს ამოფარებული პოლიტიკურ დაჯგუფებას, თანამდებობას თუ სხვა რეგალიებს, რომ მისი პასუხისგება არ დადგეს. ამ შემთხვევაში ჩვენ მზად ვართ, ნებისმიერი საკითხი მიმოვიხილოთ, ვნახოთ სად შეიძლება იყოს შეხების წერტილები. ის მომენტი, რომ ოპოზიცია მოლაპარაკების მაგიდასთან დაჯდომის მზაობას გამოთქვამს, გარკვეულ ნიშნებს აჩვენებს იმისა, რომ გარკვეულ საკითხებზე შესაძლებელია მოვილაპარაკოთ და ვნახოთ, რა შედეგებამდე შეიძლება მივიდეთ,"-განაცხადა მიქანაძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა