მიხეილ სარჯველაძე - ულტიმატუმის დაყენების გზით მოლაპარაკება არ არის მოლაპარაკება - ყველა კონსტიტუციური შეთავაზება “ოცნების” მხრიდან შეთავაზებულია

“ქართული ოცნების” დეპუტატის მიხეილ სარჯველაძის განცხადებით, პოლიტიკური პოლარიზაციის განმუხტვისთვის ყველა კონსტიტუციური შეთავაზება “ქართული ოცნების” მხრიდან დაყენებულია და ახლა ოპოზიციის ჯერია. ამასთან, სარჯველაძის თქმით, საუბარი იმაზე, რომ მმართველი გუნდი მოლაპარაკებებს რაიმე ფორმით ხელს არ უწყობს, არასწორია.

“არასწორია შეფასება, რომ მოლაპარაკებებს რაიმე ფორმით შეიძლება ხელს არ ვუწყობდეთ. პირიქით, მთავარი გზავნილი, რომელსაც “ქართული ოცნების” ხელისუფლება ამბობს, ესაა მოლაპარაკების გზით საკითხების გადაჭრა. დღის წესრიგში ეს რჩება მთავარ საშუალებად პოლიტიკური პროცესების წარმართვისა, განსხვავებით გარკვეული ოპოზიციური ძალებისგან, რომელთაც მართლაც აქვთ სრულიად დესტრუქციული დღის წესრიგი. ვფიქრობ, ამ შემთხვევაში რაც მნიშვნელოვანია, საქართველოს მოსახლეობა ამას მკაფიოდ აღიქვამს. ყველა კონსტიტუციური შეთავაზება, რაც შეიძლება ყოფილიყო, პოლარიზაციის განმუხტვისთვის, შეთავაზებულია “ქართული ოცნების” მხრიდან და ჯერი ოპოზიციაზეა”,- განაცხადა სარჯველაძემ.

ამასთან, რაც შეეხება ოპოზიციის განცხადებებს დიალოგის თაობაზე, სარჯველაძე ამბობს, რომ ულტიმატუმის დაყენების გზით მოლაპარაკება, მოლაპარაკება არ არის.

“თუ ვინმეს გონია, რომ მოლაპარაკება ნიშნავს ულტიმატუმის დაყენებას და მხოლოდ იმ შემთხვევაში მოლაპარაკებას, თუ ულტიმატუმი შესრულდება, ის ამ შემთხვევაში მწარედ ცდება. ეს არ არის მოლაპარაკება. მოლაპარაკება არის პროცესი, როდესაც მხარეები უნდა შეეცადონ, რაც შეიძლება მეტი იპოვონ სართო ხედვის წერტილი. ულტიმატუმის დაყენების გზით მოლაპარაკება არ არის მოლაპარაკება. ეს არის სრულიად არაკონსტიტუციური”,- განაცხადა სარჯველაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს