“მოძრაობა საქართველოსთვის” წევრები მთავრობის ადმინისტრაციასთან აქციას მართავენ. აქციის წევრების განცხადებით, აღნიშნული ლოკაციიდან საქართველოს პარლამენტის შენობისკენ გადაინაცვლებენ და მიტაცებულ არჩევნებს ისევ გააპროტესტებენ.
როგორც ჟურნალისტებთან “მოძრაობა საქართველოსთვის” ერთ-ერთმა წევრმა ალბერტი მერებაშვილმა განაცხადა, პერმანენტული საპროტესტო აქციები მანამდე გაგრძელდება, სანამ მათი მოთხოვნა არ დაკმაყოფილდება.
„უპირველეს ყოვლისა, მიტაცებულ არჩევნებს ვაპროტესტებთ, რომლებიც ძალადობითა და ხალხის ნების უგულვებელყოფით მიიტაცეს. ვითხოვთ, ახალ არჩევნებს, სადაც ხალხის რეალური ნება დაფიქსირდება. უნდა იყოს ხელისუფლება, სადაც ხალხის ნება დაცული იქნება. როგორც იცით, უკვე 90 დღეა მშვიდობიან პროტესტს განვაგრძობთ. პარლამენტის უკანა შესასვლელთან კარავი გვაქვს, პერმანენტულად გავაპროტესტებთ იმ მიტაცებულ არჩევნებს, რომელიც 31 ოქტომბერს დაფიქსირდა”, - განაცხადა მერებაშვილმა.