პარლამენტთან აქციაზე სამართალდამცავებმა „ევროპული საქართველოს“ ახალგაზრდული ფრთის წარმომადგენელი დააკავეს

პარლამენტის შენობის უკან მიმდინარე საპროტესტო აქციაზე, სამართალდამცავებმა „ევროპული საქართველოს“ ახალგაზრდული ფრთის წარმომადგენელი ლაშა ელიაძე დააკავეს.

„ევროპული საქართველოს“ ახალგაზრდული ფრთის წარმომადგენლებმა, მიმდინარე აქციის დროს პარლამენტთან აღმართულ რკინის ბარიკადებზე საპროტესტო შინაარსის მქონე წარწერების გაკეთება მოისურვეს, რისი უფლებაც პოლიციამ არ მისცა.

შეხლა-შემოხლის შემდეგ სამართალდამცველებმა ლაშა ელიაძე დააკავეს.

„ევროპული საქართველოს“ ახალგაზრდული ფრთა პარლამენტის შენობის უკანა ტერიტორიაზე აქცია პერფორმანს მართავს. ისინი პარლამენტში მიმდინარე მოვლენებს აპროტესტებენ, კერძოდ, ახალი მთავრობის შემადგენლობის დამტკიცებას.

მათ ადგილზე მიიტანეს სხვადასხვა წარწერის მქონე ბანერები. „კრემლის ალი“, „რუსეთი ოკუპანტია“ და ასე შემდეგ.

აქციის მონაწილე, დააკავეს ადმინისტრაციულ სამართალდარღვევათა კოდექსის 173-ე მუხლით, რაც პოლიციისადმი დაუმორჩილებლობას გულისხმობს.

იხილეთ ვიდეო:პარლამენტთან აქციაზე სამართალდამცავებმა "ევროპული საქართველოს" ახალგაზრდული ფრთის წარმომადგენელი დააკავეს

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)