ლევან იოსელიანი - სამწუხაროა, რომ „ქართული ოცნების“ მმართველობის 9 წლის თავზე დღის წესრიგში ისევ დგას ვიღაცების დაჭერა და რომელიღაც პოლიტიკური პარტიის რადარებიდან გაქრობა

მოვისმინე პრემიერ - მინისტრობის კანდიდატის გამოსვლა, რომელშიც ძირითადად იყო კონკრეტული ჯგუფის მიმართ ზიზღი და ვიღაცების დაჭერის დაანონსება,- ამის შესახებ „მოქალაქეების" ერთ-ერთმა ლიდერმა ლევან იოსელიანმა ჟურნალისტებთან ირაკლი ღარიბაშვილის დღევანდელი განცხადებების კომენტირებისას აღნიშნა.

იოსელიანის განცხადებით, „ქართულ ოცნებას" მმართველობის 9 წლის თავზე იგივე გზავნილები აქვს, რაც 9 წლის წინ ჰქონდა. მისი თქმით, მას სურდა მოესმინა მმართველი გუნდის პროგრამის და ხედვების შესახებ, თუმცა, ამის ნაცვლად მოისმინა აგრესიული რიტორიკა ერთი კონკრეტული პოლიტიკური გუნდის მიმართ.

„ქართული ოცნების“ მმართველობის 9 წლის თავზე ქვეყანა არის ბევრად უფრო ღარიბი, ვიდრე იყო მაშინ და მოქალაქეები არიან უფრო დაუცველები. ძალიან სამწუხაროა, რომ „ქართული ოცნების“ მმართველობის 9 წლის თავზე დღის წესრიგში ისევ დგას ვიღაცების დაჭერა და რომელიღაც ერთი პოლიტიკური პარტიის რადარებიდან გაქრობა თუ შევიწროება. ეს არის ჩვენი ქვეყნის უბედურება. გამოდის ერთ ადგილზე ვტრიალებთ, არაფერი შეცვლილა. 2012 წელს რა გზავნილებიც ჰქონდა „ქართულ ოცნებას“, ზუსტად იმავეს იმეორებს 2021 წელს. ეს არის წარმოუდგენელი, მე მაინტერესებდა მისგან მომესმინა, როგორ უყურებს ამ ქვეყნის კრიზისიდან გამოსვლას, რა გეგმა აქვს პანდემიასთან, სიღარიბესთან დაკავშირებით, ეს არის ის, რაც ხალხს აწუხებს და არა ის, რაზეც ილაპარაკა,"- განაცხადა იოსელიანმა.

მისივე თქმით, პოლიტიკური კრიზისიდან გამოსვლის ერთადერთი გზა მოლაპარაკებებია, თუმცა, ღარიბაშვილის რიტორიკა ამას ხელს არ უწყობს.

„ერთ რამეს ვხედავ - ორივე მხარე ამბობს, მზად ვართ მოლაპარაკებებისთვის და არ ჯდებიან და არ ლაპარაკობენ, მაშინ როგორ არიან მზად? 25 თებერვალს დაანონსებული აქციის გადადება რაღაც კომპრომისის ფორმად შეიძლება მივიჩნიოთ, მაგრამ ამას უნდა მოჰყვეს ადეკვატური რეაქცია მეორე მხრიდანაც, თუმცა, ჯერჯერობით ვერ ვხედავთ,"- განაცხადა იოსელიანმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი