KIU-ს მათემატიკის პროგრამის სტუდენტი ნიკოლოზ გოგოლაძე - შეგრძნება მაქვს, რომ ყოველდღიურად ახალ მწვერვალს ვიპყრობ, ვვითარდები და წინ მივდივარ

KIU სტუდენტებისთვის არის უნიკალური შესაძლებლობა. მე ვარ ბედნიერი და ამაყი, რომ ეს შესაძლებლობა მომეცა, - ამის შესახებ KIU- ს მათემატიკის პროგრამის სტუდენტმა ნიკოლოზ გოგოლაძემ განაცხადა.

როგორც „ინტერპრესნიუსს“ ქუთაისის საერთაშორისო უნივერსიტეტიდან აცნობეს, ნიკოლოზ გოგოლაძე ქუთაისის საერთაშორისო უნივერსიტეტის მათემატიკის პროგრამის ერთ-ერთი წარმატებული სტუდენტია.

„მას ჯერ კიდევ სკოლის ასაკიდან აინტერესებდა მათემატიკა და STEM მიმართულებები. ნიკა მათემატიკოსების ოჯახში გაიზარდა და მის მათემატიკისადმი განსაკუთრებულ ინტერესზე გავლენა ამანაც იქონია. სკოლის აქტიური მოსწავლე ხშირად მონაწილეობდა ოლიმპიადებში, მათ შორის, კინგსისა და ვიტსის ოლიმპიადებზე. გასულ წელს იგი მათემატიკური და ალგორითმული აზროვნების კონკურს - „M ვექტორის“ გამარჯვებულიც გახდა. ამჟამად, ნიკოლოზი თანატოლებთან ერთად ჩართულია უნივერსიტეტის სხვადასხვა პროექტში. მონაწილეობას იღებს KIU Visual Math Fest-ში, რომელსაც გერმანიის ტექნოლოგიური უნივერსიტეტის პროფესორები უძღვებიან. ახლა უკვე სპიკერის სტატუსით ჩართულია 2021 წლის „M ვექტორის“ კონკურსში, სადაც ევალება ახალბედა მონაწილეებისთვის საკუთარი გამოცდილების გაზიარება და კონსულტაციის გაწევა. მისთვის განსაკუთრებით საინტერესოა საკუთარი გამოცდილება თანატოლებსა და აბიტურიენტებს გაუზიაროს.

სჯერა, რომ სწავლის პარალელურად ყველა ეს პროექტი და აქტივობა მას წარმატებას მოუტანს და ახალ უნარ-ჩვევებს განუვითარებს. ამბობს, რომ ქუთაისის საერთაშორისო უნივერსიტეტში სწავლა საკმაოდ რთულია, თუმცა მოსწონს ის ტემპი, რომლითაც პროგრამას გადის. გადაწყვეტილება იმის შესახებ, რომ მომავალი მათემატიკისთვის უნდა დაეკავშირებინა ადვილად მიიღო, მაგრამ მისთვის ადვილი არ იყო უმაღლესი დაწესებულების არჩევა. საუკეთესო ვარიანტი გერმანია გახლდათ, თუმცა, ენის ბარიერისა და პანდემიის გამო გერმანია მიუღწეველ მიზნად დარჩებოდა, რომ არა უნიკალური შესაძლებლობა, შესაძლებლობა, რომელიც KIU - ს არსებობამ მისცა“, -აღნიშნულია გავრცელებულ ინფორმაციაში.

როგორც მათემატიკის სკოლის სტუდენტი ნიკოლოზ გოგოლაძე აცხადებს, სწავლების სწრაფი ტემპიდან და მასალიდან გამომდინარე სწავლა საკმაოდ რთულია.

„საქართველოში უმაღლესი სასწავლო დაწესებულების გამოჩენა, რომელიც უშუალოდ თანამშრომლობს გერმანიის საერთაშორისო უნივერსიტეტთან და სწავლების ანალოგიურ მოდელს გვთავაზობს, ჩემი ოცნებების ასრულების დასაწყისად იქცა. შემდეგ იყო „M ვექტორის“ კონკურსი. მასში მონაწილეობის მიღებამ საშუალება მომცა KIU-ს უფრო ახლოდან გავცნობოდი და კიდევ უფრო მეტად დავრწმუნებულიყავი ჩემი გადაწყვეტილების სისწორეში. მაღალკვალიფიციური პროფესორები, ევროპული სტანდარტების ინფრასტრუქტურა და სწავლების მოდელი, შესაძლებლობა, შენს ქვეყანაში მიიღო უმაღლესი დონის განათლება, სწორედ, ამ ფაქტორებმა განაპირობეს KIU-ს არჩევა. სწავლების სწრაფი ტემპიდან და მასალიდან გამომდინარე აქ სწავლა საკმაოდ რთულია, თუმცა, რაც ყველაზე მთავარია, ეს პროცესი არ არის დამღლელი და მოსაბეზრებელი, პირიქით მაქვს შეგრძნება, რომ ყოველდღიურად ახალ მწვერვალს ვიპყრობ, ვვითარდები, წინ მივდივარ. ეს მოტივაციას კიდევ უფრო მიზრდის და კიდევ უფრო მეტის მიღწევის სურვილს მიჩენს. განსაკუთრებით მინდა აღვნიშნო KIU-ს პროფესორების წვლილი. სტუდენტებს გვაქვს სრული ხელშეწყობა, რომ ჩვენი, სტუდენტური ცხოვრება იყოს მრავალფეროვანი და საინტერესო, სიახლეებით სავსე. ერთი სიტყვით, KIU არის უნიკალური შესაძლებლობა და მე ვარ ბედნიერი და ამაყი, რომ ეს შესაძლებლობა მომეცა“, - აცხადებს ნიკოლოზ გოგოლაძე.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი