ირაკლი ღარიბაშვილი ელისაშვილს - ბატონო ალეკო, როგორც ჩანს, “ნაცების“ რიტორიკას ხართ აყოლილი - არავითარი "კლანი" არ მაქვს და არც მქონია

ბატონო ალეკო, როგორც ჩანს, “ნაცების“ რიტორიკას ხართ აყოლილი, თითქოს, რაღაც კლანი მაქვს, თუ კლანი მქონდა - გიპასუხებთ, რომ არ მაქვს და არც არავითარი კლანი არ მქონია, - ასე უპასუხა პრემიერ-მინისტრობის კანდიდატმა ირაკლი ღარიბაშვილმა დეპუტატ ალეკო ელისაშვილს, რომელმაც მას კითხვა ნათესავებთან და ე.წ. კახურ კლანთან დაკავშირებით დაუსვა.

“თუ კონკრეტული გვარები და ჩემი ურთიერთობები გაინტერესებთ, მგონი, მოსახლეობისთვის საინტერესო არ არის. თუკი ვინმესთან ურთიერთობა გავწყვიტე, ეს იმიტომ მოხდა რომ... იმის თქმა მინდა, ამ ადამიანებმა ზიანი სახელმწიფოს კი არ მიაყენეს, თუკი ვინმეს გულისხმობთ და არ ვიცი, ვის გულისხმობთ... შეიძლება ყველაზე მეტად მე დავზიანდი. ეს ექვსი წლის წინ იყო. შეცდომა ყველას მოსდის, მეც მომდის - უშეცდომო არავინ ვართ... ფილოსოფიური საკითხია, შეგვიძლია ცალკე ვისაუბროთ. აგიხსნით ჩემს მოტივაციასა და ჩემს დამოკიდებულებას. მე წესებით ვცხოვრობ. ამ ფორმატში საუბარი ალბათ ცოტა უხერხულია. მაქვს წესები ურთიერთობაშიც, ვინც არ უნდა იყოს, ნათესავი თუ ოჯახის წევრი. ვინც ამ წესებს არღვევს, ვწყვეტ ურთიერთობას“, - განაცხადა ირაკლი ღარიბაშვილმა ალეკო ელისაშვილის კითხვის პასუხად.

პრემიერ-მინისტრობის კანდიდატს ირაკლი ღარიბაშვილს, დეპუტატმა ალეკო ელისაშვილმა მიმართა კითხვით: „რა გარანტია გვაქვს, რომ თქვენი კვლავ გაპრემიერების შემთხვევაში, როგორც თქვენი წინამორბედი პრემიერი იტყოდა, „ქართულ-ჯიგრულ-ნათესაურ პონტში“ თქვენი ნათესავები ისევ არ დაფაცურდებიან?“

შეგახსენებთ, პარლამენტი, პლენარული სხდომის ფორმატში, მთავრობის განახლებული შემადგენლობისთვის ნდობის გამოცხადების საკითხს იხილავს.

იხილეთ ვიდეო:

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს