დავით სონღულაშვილი -10 - წლიანი სამოქმედო გეგმის წარმოდგენა იქნება სტაბილური ეკონომიკური განვითარებისთვის ერთ-ერთი მნიშვნელოვანი ფაქტორი

10 წლიანი სამოქმედო გეგმის წარმოდგენა იქნება სტაბილური ეკონომიკური განვითარებისთვის ერთ-ერთი მნიშვნელოვანი ფაქტორი. ასეთი გეგმა კერძო სექტორს ფაქტობრივად აძლევს ხედვას, როგორ ვითარდება ქვეყანა და აქედან გამომდინარე მათ ეძლევათ შესაძლებლობა ააწყონ საკუთარი განვითარების გეგმა", - განაცხადა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, დავით სონღულაშვილმა პარლამენტის რიგგარეშე სხდომაზე, სადაც მთავრობისთვის ნდობის გამოცხადების საკითხს განიხილავენ.

მისი განცხადებით, ძალიან მნიშვნელოვანია ევროპული სახელმწიფოს მშენებლობა.

„მინდა მოგახსენოთ, რომ ევროპასთან ინტეგრაციის პროცესი თავისთავად ცხადია, თავის თავში და არსში, მოიცავს რიგ რეგულაციებს. დღევანდელ დღეს, როდესაც პოსტ პანდემიური ეკონომიკის სწრაფი აღდგენა უნდა მოხდეს, ძალიან მნიშვნელოვანია, რომ ძალიან სწორი და ოქროს შუალედი ვიპოვოთ იმისთვის, რომ ეს იყოს შესაძლებლობა კერძო სექტორისთვის და არა გამოწვევა. ამისთვის, ძალიან მნიშვნელოვანია, რომ აქტიურად ვიმუშაოთ კერძო სექტორთან, პროცესები გვქონდეს მაქსიმალურად გახსნილი იმისთვის, რომ სექტორულად ჩართული იყოს საზოგადოების სხვადასხვა ჯგუფები თვითონ ამ პროცესში, რათა მაქსიმალურად ნაკლები ზიანით მოხდეს რეფორმების გატარება და იყოს დიდი ნდომა არსებული რეფორმების", - აღნიშნა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ.

დავით სონღულაშვილმა ყურადღება გაამახვილა საინვესტიციო პოლიტიკაზე, რომელიც, მისივე თქმით, მნიშვნელოვანია დღევანდელ დღეს, რადგან მსოფლიოში ძალიან დიდი კონკურენციაა ინვესტიციების მოზიდვის კუთხით.

„ამისთვის მაქსიმალურად უნდა შეიქმნას გარემო როგორც შიდა ინვესტიციების წახალისებისთვის, აგრეთვე უცხოური ინვესტიციების მოზიდვისთვის. ვფიქრობ, რომ ჩვენი ერთ-ერთი კონკურენტული უპირატესობა, რაც შეიძლება შევთავაზოთ, ეს არის ძალიან მნიშვნელოვანი თავისუფალი ვაჭრობის ხელშეკრულებები, რომელიც ჩვენს ქვეყანას გააჩნია. ფაქტობრივად, ამით 7 ქვეყნიდან ერთ-ერთი ვართ, რომელსაც ერთდროულად როგორც ევროპასთან, ასევე ჩინეთთან აქვს თავისუფალი ვაჭრობის ხელშეკრულებები და ჯამში დამატებითი ხელშეკრულებები რაც ქვეყანას გააჩნია 2,2 მილიარდი მოსახლეობის ბაზართან აძლევს წვდომას. ეს უნდა იყოს შესაძლებლობა, რომლის კაპიტალიზაციაც უნდა მოხდეს", -აღნიშნა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ.

დავით სონღულაშვილმა ყურადღება გაამახვილა მცირე და საშუალო ბიზნესზე, რაც მისი თქმით, ეკონომიკის ხერხემალია.

„მათთვის ძალიან მნიშვნელოვანი იქნება კონკრეტული პროგრამების შექმნა ფინანსებთან ხელმისაწვდომობის კუთხით და ასევე, თავისუფალი სავაჭრო ხელშეკრულებებით სარგებლობის შესაძლებლობების გაჩენა. ამისთვის, მნიშვნელოვანი იქნება მივცეთ მათ შესაბამისი განათლება, შესაბამისი აღჭურვა, რომ მაქსიმალურად ისარგებლონ იმ შესაძლებლობებით, რომელიც ჩვენს ქვეყნას დღემდე მოპოვებული აქვს", - განაცხადა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ.

კიდევ ერთი საკითხი, რაზეც დავით სონღულაშვილმა თავის გამოსვლაში ისაუბრა მიწის რეგისტრაციაა.

„დღეს ვარ გურჯაანის, სიღნაღის, დედოფლისწყაროს და საგარეჯოს მაჟორიტარი და ერთ-ერთი მნიშვნელოვანი პრობლემა, რომელიც ოთხივე მუნიციპალიტეტში ერთნაირად დგას და შესაბამისად, დარწმუნებული ვარ ქვეყნის გამოწვევა იქნება, ეს არის მიწების რეგისტრაციის პროცესი. სასოფლო-სამეურნეო მიწების აგრესიული პრივატიზების პოლიტიკა ერთ-ერთი მნიშვნელოვანი იქნება იმისთვის, რომ სრულად ჩაერთოს ეკონომიკაში ის რესურსი, რომელიც რეგიონებში არსებობს და დღეს არ არის იმ დოზით ათვისებული, რა დოზითაც ათვისებული უნდა იყოს", - აღნიშნა სონღულაშვილმა.

დავით სონღულაშვილმა ისაუბრა ლარის კურსის სტაბილურობის მნიშვნელობაზეც, რომელიც, მისივე შეფასებით, დიდი გამოწვევაა როგორც შიდა ბიზნესისთვის, ასევე უცხოელი ინვესტორებისთვის.

„ეროვნულ ბანკთან ერთად კოორდინაციაში უნდა მოხდეს ფულის მართვის კონკრეტული სამოქმედო გეგმის შემუშავება, რომელიც გააჩენს შესაძლებლობას, რომ მაქსიმალურად სტაბილური იყოს ჩვენი ვალუტა", - აღნიშნა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი