უკრაინის პრემიერ-მინისტრმა, დენის შმიგალმა ქართველ კოლეგას, ირაკლი ღარიბაშვილს საქართველოს პრემიერ-მინისტრად დანიშვნა მიულოცა. ამის შესახებ მან "ტვიტერის" ოფიციალურ გვერდზე დაწერა.

„მჯერა, რომ ჩვენი თანამშრომლობა გააძლიერებს საქართველოსა და უკრაინის სტრატეგიულ პარტნიორობას ევროკავშირსა და ნატოში გაწევრიანების გზაზე“, - წერს უკრაინის პრემიერ-მინისტრი.

საქართველოს პარლამენტმა მთავრობის განახლებული შემადგენლობა დაამტკიცა. ირაკლი ღარიბაშვილის მიერ წარდგენილ მინისტრთა კაბინეტსა და სამთავრობო პროგრამას ნდობა 89 ხმით გამოუცხადეს. 2 - მა დეპუტატმა ხმა მის წინააღმდეგ მისცა.