დავით სერგეენკო ნიკა მელიას დაკავებაზე - ოპოზიციის ნაწილისგან ესკალაციისთვის მზადება ძალიან მაღალი იყო, ამიტომ არჩევანი გაკეთდა სამართლებრივ გადაწყვეტილებაზე

ჩემი შეფასებით, ოპოზიციის ნაწილისგან ესკალაციისთვის მზადება ძალიან მაღალი იყო, ნებისმიერი გადაწყვეტილების შემთხვევაში, ამიტომ არჩევანი გაკეთდა სამართლებრივ გადაწყვეტილებაზე,- ამის შესახებ საპარლამენტო უმრავლესობის წევრმა დავით სერგეენკომ „ნაციონალური მოძრაობის“ თავმჯდომარის, ნიკა მელიას დაკავების კომენტირებისას განაცხადა.

მისი თქმით, ნიკა მელიას საქმის გარშემო განვითარებული მოვლენები სამი ნაწილისგან შედგებოდა და მნიშვნელოვანია, რომ აქცენტი სამართლებრივ ნაწილზე გაკეთდეს.

„ის მოვლენები, რაც ბოლო დროს ვითარდებოდა და რაც დღეს დილით განვითარდა, პირობითად სამი ნაწილისგან შედგება, ესაა: სამართლებრივი, პოლიტიკური და საინფორმაციო. ჩემი აზრით, ბოლო ორი ფაქტორი ჭარბადაა წარმოდგენილი. მნიშვნელოვანია, რომ გამოძიებამ და სასამართლომ მაქსიმალურად სწრაფად, ფაქტობრივად შეუძლებლად მოკლე დროში აქცენტირება გააკეთოს სამართლებრივზე და მიიღოს სამართლიანი გადაწყვეტილება იმისთვის, რომ დანარჩენი ორი პუნქტი, პოლიტიკური და საინფორმაციო, შემცირდეს და აქცენტი სამართლებრივ ნაწილზე გაკეთდეს, რაც არ უნდა პოლიტიკური სარჩული ჰქონდეს ამას“,- აღნიშნა სერგეენკომ.

ცნობისთვის, სპეციალური დანიშნულების რაზმმა „ნაციონალური მოძრაობის“ თავმჯდომარე ნიკა მელია დააკავა. სამართალდამცავებმა ნიკა მელია პარტიის ოფისში, საკუთარ კაბინეტში აიყვანეს. მანამდე კი პარტიის ოფისში სამართალდამცავებმა ე.წ. წიწაკის სპრეი გაუშვეს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა