მას შემდეგ, რაც ჩვენ დაავანონსეთ, რომ მთავრობის ადმინისტრაციასთან ვიკრიბებით, აუკანკალდათ მუხლები, რადგან ეშინიათ, რომ ბუნებრივია, ხალხი დაიძვრება რეგიონებიდანაც და სასწრაფოდ კეტავენ თბილისს,
- ამის შესახებ „ნაციონალური მოძრაობის“ერთ-ერთმა ლიდერმა ზაალ უდუმაშვილმა განაცხადა.
მისი თქმით, ხელისუფლებას შიში „ნაციონალური მოძრაობის“ ოფისში ნიკა მელიას დაკავების დროსაც ეტყობოდა.
„თუ მართლაც ასეა, ეს არის შეშინებული ხელისუფლების პანიკური ნაბიჯები. რა თქმა უნდა, ეშინიათ მას შემდეგ, რაც ჩვენ დაავანონსეთ, რომ მთავრობის ადმინისტრაციასთან ვიკრიბებით, აუკანკალთდათ მუხლები, რადგან ეშინიათ, რომ ბუნებრივია, ხალხი დაიძვრება რეგიონებიდანაც და სასწრაფოდ კეტავენ თბილისს. ეს ხელისულება რომ შეშინებულია, დღევანდელ დღესაც ეტყობდა. იმას, რაც იკადრა დღეს „ქართულმა ოცნებამ“და ბიძინა ივანიშვილმა, მხოლოდ შეშინებული ადამიანი იკადრებს“,-განაცხადა უდუმაშვილმა.
მისი თქმით, ხალხი საკუთარი სურვილით აპირებს, რომ ნიკა მელიას დაკავება გააპროტესტოს.
„იმას, რაც მოხდა არანაირი კომუნიკაცია არ სჭირდება. რა გგონიათ, ტელეფონებს ავიღებთ და ვიტყვით, აბა ხალხო დაგვეხმარეთ? ხალხი აქეთ რეკავს, ყველა მომზადებულია, მანქანებში სხდებიან, რომ სასწრაფოდ წამოვიდნენ და ამ უსამართლობას ყველა ერთად აღვუდგეთ“,- განაცხადა უდუმაშვილმა.