რელიგიის საკითხთა სახელმწიფო სააგენტომ და საქართველოს ბაპტისტური ეკლესიების კავშირმა ერთობლივი საქველმოქმედო აქცია გამართეს. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
მათივე ცნობით, საქველმოქმედო აქციის ფარგლებში, სურამის სოციალური თერაპიის სახლ „ანთილიოსს" 10 ყუთი თბილი ტანსაცმელი გადაეცა.
„სახლის დირექტორმა, ხათუნა კურტანიძემ, გაწეული დახმარებისთვის მადლობა გადაუხადა აქციის ორგანიზატორებს. სურამის სოციალური თერაპიის სახლში 500-მდე ბენეფიციარი ჰყავთ.
აქციაში მონაწილეობდნენ საქართველოს ბაპტისტური ეკლესიების კავშირის აღმასრულებელი დირექტორი ტარიელ პაპინაშვილი, და სააგენტოს სტრატეგიული კვლევის, ანალიზისა და რეგიონების სამსახურის უფროსი, ნინო ჭავჭავაძე.
საქველმოქმედო აქციები მომავალშიც გაგრძელდება“, - აღნიშნულია ინფორმაციაში.