ნიკოლოზ სამხარაძე - ვადასტურებთ საერთაშორისო პარტნიორების შეფასებას, რომ არასასიამოვნო ფაქტია, როცა ოპოზიციონერი ლიდერი ციხეში მიდის, თუმცა მან და მისმა პარტიამ აირჩიეს ასე

ვადასტურებთ საერთაშორისო პარტნიორების შეფასებას, რომ არასასიამოვნო ფაქტია, როცა ოპოზიციონერი ლიდერი ციხეში მიდის, თუმცა ეს მისი გადაწყვეტილება იყო - მან და მისმა პარტიამ აირჩიეს ასე, - აღნიშნული განცხადება პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ ნიკა მელიას დაპატიმრებაზე უცხოელი პარტნიორების კრიტიკის პასუხად გააკეთა.

სამხარაძის თქმით, ნიკა მელიას დაკავებაზე კრიტიკული საერთაშორისო გამოხმაურება მოსალოდნელი იყო. მისივე განცხადებით, ოპოზიციონერი ლიდერის დაკავება ყოველთვის კრიტიკის საფუძველი ხდება, თუმცა არც ერთ საერთაშორისო პარტნიორს არ უთქვამს, რომ ადგილი ჰქონდა ძალის გადამეტებას.

„ძალიან სამწუხაროა, რომ საქმე აქამდე მივიდა და საჭირო გახდა ნიკა მელიას დაპატიმრება. მას ყველა ბერკეტი ჰქონდა, რომ გადაეხადა გირაო, საპატიმროში არ წასულიყო და ეღიარებინა ბრალი, რასაც სხვადასხვა ინტერვიუში ისედაც აღიარებს. ეს იქნებოდა გამოსავალი - შეგვეძლო საკითხი მშვიდობიანად დაგვეხურა და იმ უფრო მნიშვნელოვანი საკითხების განხილვაზე გადავსულიყავით, რაც ქვეყანას სჭირდება. ხელისუფლებასა და პოლიციას სხვა გზა აღარ ჰქონდა. თუ გვინდა კანონის უზენაესობაზე დაფუძნებული სახელმწიფო ავაშენოთ, ეს იყო აუცილებელი ქმედება“, - განაცხადა სამხარაძემ.

პარლამენტის საგარეო ურთიერთობათა კომიტეტის თავმჯდომარე იმასაც ამბობს, რომ შექმნილი ვითარებიდან გამოსავალი დღესაც არსებობს, მელია შეიძლება გათავისუფლდეს საპატიმრო დაწესებულებიდან, თუ ის საჯარო განცხადებას გააკეთებს და დანაშაულს მოინანიებს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს