ელენე ხოშტარია - ჩვენ განმათავისუფლებელ მოძრაობას ვიწყებთ, რომელიც გპირდებით, რომ აუცილებლად მივა ბოლომდე!

დღეს ნიკა მელია ბევრად უფრო ძლიერია, ვიდრე ერთად აღებული „ქართული ოცნება“ თავისი სპეცრაზმით, პოლიციით, პროკურატურით, მონა მოსამართლეებით, - ასე მიმართა ელენე ხოშტარიამ მთავრობის ადმინისტრაციასთან შეკრებილ აქციის მონაწილეებს.

როგორც მან აღნიშნა, იწყება განმათავისუფლებელი მოძრაობა, რომელიც აუცილებლად მივა ბოლომდე.

„დღეს, ნიკა იმის მიუხედავად, რომ მოიტაცეს და სადღაც გამოკეტეს, ბევრად უფრო ძლიერია, ვიდრე მთელი ერთად აღებული „ქართული ოცნება“ თავისი სპეცრაზმით, პოლიციით, პროკურატურით, მონა მოსამართლეებით. ნიკა არის ძლიერი იმიტომ, რომ მას აქვს თავგანწირვა, სამშობლოს სიყვარული, გამბედაობა, იდეა და ის არასდროს გაჩერდება, ჩვენთან, ყველასთან ერთად, რომ გავათავისუფლოთ ქვეყანა და არ დავუთმოთ ბიძინა ივანიშვილს. ჩვენ ერთად ბევრად უფრო მეტნი და ძლიერები ვართ, რადგან ჩვენს მხარესაა სიმართლე. ჩვენ განმათავისუფლებელ მოძრაობას ვიწყებთ, რომელიც გპირდებით, რომ აუცილებლად მივა ბოლომდე. ნიკა მელიას დაჭერა ერთი ადამიანის გამოკეტვას სცდება. ძალიან გთხოვთ, არანაირი შიში, შემართება და ბრძოლა გამარჯვებამდე“, - მიმართა ელენე ხოშტარიამ აქციის მონაწილეებს.

იხილეთ ვიდეო: ჩვენ განმათავისუფლებელ მოძრაობას ვიწყებთ, რომელიც გპირდებით, რომ აუცილებლად მივა ბოლომდე!

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)