ნინო ბურჯანაძე - შეუპოვრად ვიბრძოლებთ, რომ ეს ადამიანები მშვიდობიანად, კონსტიტუციური მეთოდებით გამოვყაროთ კაბინეტებიდან

დიახ, ჩვენ თქვენთან ერთად შეუპოვრად ვიბრძოლებთ იმისთვის, რომ ეს ადამიანები მშვიდობიანად, კონსტიტუციური მეთოდებით, მაგრამ გამოვყაროთ ამ კაბინეტებიდან,- ამის შესახებ "ერთიანი საქართველოს" ლიდერმა ნინო ბურჯანაძემ მთავრობის ადმინისტრაციასთან ოპოზიციის მიერ გამართულ აქციაზე განაცხადა.

მისი თქმით, ყველა ის ადამიანი ვინც სიმართლისთვის იბრძვის ხვალინდელი საქართველოს წინაშე პირნათელი იქნება.

"მინდა ვკითხო ჩვენს ხელისუფლებას, დღესაც ევროპაზე აკეთებდნენ განაცხადებს, რომელ ევროპაზე ლაპარაკობთ 23 თებერვალს, ოპოზიციური ოფისის დამრბევი ხელისუფლება? რომელ ევროპულ ქვეყანაში გინახავთ ოპოზიციური პარტიების ოფისი დარბეული?!მინდა ვუთხრა იმ ადამიანებს ვინც არიან მთავრობის ადმინისტრაციის შენობაში ან პარლამენტში, აქ ბევრი ადამიანი ვართ, ვინც ამ შენობაში ვყოფილვართ სხვადასხვა კაბინეტებში და პარლამენტშიც. მუდმივი არაფერია, უბრალოდ ყველაფერი უნდა გააკეთო იმისთვის, რომ ღირსეულად გამოხვიდე იმ კაბინეტებიდან და იმ სართულებიდან, სადაც ხარ. ამას ეს ხელისუფლება ვერ შეძლებს. დიახ, ჩვენ თქვენთან ერთად შეუპოვრად ვიბრძოლებთ, რომ ეს ადამიანები მშვიდობიანად, კონსტიტუციური მეთოდებით, მაგრამ გამოვყაროთ ამ კაბინეტებიდან არჩევნების შედეგად, მაგრამ გამოვყაროთ და აუცილებლად გამოვყრით, იმიტომ, რომ ამ ხელისუფლებას საქართველოს დაჩოქება უნდა! ამ ხელისუფლებას ეროვნული ინტერესებისთვის არაფერი გაუკეთებია 8 წლის განმავლობაში. განსაკუთრებით დღევანდელი დღის შემდეგ ამ ხელისუფლებას არ აქვს მორალური უფლება, რომ ამ ქვეყანაში მართლა დარჩეს. დარწმუნებული ვარ, ნიკა ღირსეულად იქნება და მალე ჩვენ გვერდით იქნება. ძალიან მალე მოვიპოვებთ არჩევნებსაც და ნებისმიერ მომავალ ხელისუფლებას შევაწყვეტინებთ პოლიტიკურ დევნას", - განაცხადა ბურჯანაძემ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს