ფრიდონ ინჯია - ნიკა მელიამ გირაო არ გადაიხადა და სხვა გამოსავალი არ იყო, სასამართლოს გადაწყვეტილება ყველა დემოკრატიულ ქვეყანაში უნდა შესრულდეს

ნიკა მელიამ გირაო არ გადაიხადა და სხვა გამოსავალი აქ არ იყო - სასამართლოს გადაწყვეტილება ყველა დემოკრატიულ ქვეყანაში უნდა შესრულდეს, - ამის შესახებ "ევროპელი სოციალისტების" წევრმა, დეპუტატმა ფრიდონ ინჯიამ ჟურნალისტებთან განაცხადა.

მისი თქმით, მელია სხვის თამაშს თამაშობდა და ახლა მას შეუძლია გამოძიებასთან ითანამშრომლოს.

"ქართველი კაცის დაპატიმრება ვის გაუხარდება, არავის ალბათ….მე მაინც იმედი მქონდა, რომ ნიკა მელია გადაიხდიდა იმ გირაოს, რადგან ერთხელ უკვე გადაიხადა, მე ასე მეჩვენება, რომ ის თავის თამაშს არ თამაშობდა. ვფიქრობდი, რომ გადაიდიდა გირაოს, არ გადაიხადა და სხვა გამოსავალი აქ არ იყო. რა თქმა უნდა, პასუხისმგებლობა არის მთლიანად "ოცნებაზე" და ამ შემთხვევაში იყო სასამართლოს გადაწყვეტილება. სასამართლოს გადაწყვეტილება რაც არ უნდა იყოს, ყველა დემოკრატიულ ქვეყანაში უნდა შესრულდეს. მას აქვს ყველანაირი უფლება ადვოკატის მეშვეობით ითანამშრომლოს გამოძიებასთან და იმედი მაქვს, რომ თუ ითანამშრომლებს შეღავათიც ექნება, თუ დანაშაული აქვს. მაგრამ ასეთ დანაშაულებზე როგორც პრაქტიკამ აჩვენა, გინდაც ამერიკის შეერთებულ შტატებში, მკაცარი ზომები მიიღეს", - განაცხადა ინჯიამ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი