სამოქალაქო აქტივისტებმა ღამე პარლამენტის წინ გაშლილ კარვებში გაატარეს. როგორც „მოძრაობა საქართველოსთვის" ერთ-ერთმა წევრმა გიორგი მუმლაძემ განაცხადა, ღამემ მშვიდ გარემოში ჩაიარა და მათთან ერთან იყვნენ ნინო ბურჯანაძე და გიგი უგულავა.
აქციის მონაწილეების განცხადებით, მათი მოთხოვნა, ვადამდელი არჩევნები და პოლიტპატიმრების, მათ შორის გიორგი რურუას და ნიკა მელიას გათავისუფლებაა.
როგორც გიორგი მუმლაძემ აღნიშნა, დღეს პარლამენტის წინ კიდევ ერთი კარავი დაიდგმება.
„ჩვენ შემოგვიერთდებიან ჩვენი მეგობრები, აქტივისტები, რომლებსაც კარავი აქვთ გაშლილი თელავში, ბათუმში და ა.შ. დღეს ზუგდიდან ჩამოვლენ", - განაცხადა მუმლაძემ.
ცნობისთვის, გუშინ ოპოზიციამ მხარდამჭერებთან ერთად, პარლამენტთან აქცია გამართა და „ნაციონალური მოძრაობის“ თავმჯდომარის, ნიკა მელიას დაკავება გააპროტესტა.
იხილეთ ვიდეო:ვითარება რუსთაველის გამზირზე - კარვები საკანონმდებლო ორგანოსთან კვლავ რჩება