„ევროპული საქართველოს“ ერთ-ერთი ლიდერის, გიგა ბოკერიას განცხადებით, სამოქალაქო პროტესტი აუცილებლად უნდა გაგრძელდეს და აქციები უნდა იყოს „მწვავე და მშვიდობიანი“.

მისივე თქმით, ოპოზიციის დღევანდელი შეხვედრა სწორედ 26 თებერვალს დაანონსებულ აქციას შეეხებოდა.

„დღევანდელი შეხვედრა მიეძღვნა როგორც ამ კონკრეტულ აქციას, ისე დისკუსიას აქციების გაგრძელებაზე. მანამ, ვიდრე მთელი საზოგადოება არ მივაღწევთ სტრატეგიულ ამოცანას, პოლიტიკური პატიმრების გათავისუფლებას, დევნის დასრულებას და ვადამდელი ნორმალური არჩევნების დანიშვნას, რის შედეგადაც ეს სახიფათო რეჟიმი დასრულდება მშვიდობიანად, მანამდე აქციები უნდა გაგრძელდეს და ეს მოითხოვს კოორდინაციას და მუშაობას როგორც პოლიტიკური ძალების, ისე სამოქალაქო აქტივისტების და მთელი საზოგადოების აქტიურ ჯფუფებს შორის. ეს შეხვედრა მიეძღვნა ამას და ასეთი შეხვედრები გაგრძელდება”,- განაცხადა ბოკერიამ.

შეგახსენებთ, ოპოზიცია 26 თებერვალს მასშტაბურ აქციას აანონსებს. ოპოზიციონერი ლიდერების განცხადებით, მსვლელობა 26 თებერვალს, 15:00 საათზე ფილარმონიიდან პარლამენტის მიმართულებით იქნება.