მარიკა დარჩიას ინიციატივით პროექტი ,,ხსოვნის სკამები თბილისს“ დაიწყო

თბილისის საკრებულოს თავმჯდომარის მოადგილის, მარიკა დარჩიას ინიციატივით პროექტი ,,ხსოვნის სკამები თბილისს“ დაიწყო.

როგორც „ინტერპრესნიუსს“ თბილისის საკრებულოდან აცნობეს, აღნიშნული პროექტის ფარგლებში დღეს, საქართველოს დამფუძნებელი კრების წევრებისა და თბილისის ქალაქის საბჭოს ხმოსნებისთვის პატივის მისაგებად თავისუფლების მოედანზე მდებარე სკამებზე მემორიალური ფირფიტები განთავსდა.

მარიკა დარჩიას განცხადებით, აღნიშნული პროექტის პრაქტიკა მსოფლიოს არაერთ ქალაქში არსებობს და მნიშვნელოვან როლს ასრულებს ქალაქის მეხსიერების გაცოცხლებისა და ისტორიის ყოველდღიურ ცხოვრებაში განცდის თვალსაზრისით.

,,დღეს ჩვენ პროექტს ვიწყებთ, რომლის ფარგლებშიც პატივს მივაგებთ ქალაქისა და ზოგადად, ქვეყნისთვის მოღვაწე ადამიანთა სახელებს. სწორედ დღეს, პირველ ეტაპზე, მემორიალურ ფირფიტებზე თბილისის საბჭოს რამდენიმე ხმოსნის სახელები დავიტანეთ და ეს მომავალშიც გაგრძელდება“, -აღნიშნა მარიკა დარჩიამ.

საკრებულოს თავმჯდომარის მოადგილის თქმით, პროექტი ,,ხსოვნის სკამები თბილისს“ გაგრძელდება და საქართველოში მოღვაწე ისტორიულ ფიგურებს გაიხსენებს.

პროექტის ფარგლებში, თბილისის სხვადასხვა უბანში, სკამებზე ასევე ქართველი მწერლებისა და საზოგადო მოღვაწეების შემოქმედებიდან წარწერებიც განთავსდება.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს