ესტონეთის, ლატვიისა და ლიეტუვას საგარეო საქმეთა მინისტრები - ყველა პოლიტიკურ ძალას მოვუწოდებთ, იმოქმედონ თავშეკავებით, მოახდინონ სიტუაციის დეესკალაცია და მოძებნონ კონსტრუქციული გამოსავალი

ბალტიის ქვეყნების საგარეო საქმეთა მინისტრები საქართველოში შექმნილ პოლიტიკურ ვითარებასთან დაკავშირებით ერთობლივ განცხადებას ავრცელებენ.

განცხადების თანახმად, სამი ქვეყნის საგარეო უწყებაში მიიჩნევენ, რომ ნიკა მელიას დაკავება რისკის ქვეშ აყენებს მმართველ პარტიასა და ოპოზიციას შორის დიალოგის შესაძლებლობას.

„ჩვენ, ესტონეთის, ლატვიისა და ლიეტუვას საგარეო საქმეთა მინისტრები სერიოზულ შეშფოთებას გამოვხატავთ საქართველოში განვითარებულ პოლიტიკურ სიტუაციასთან დაკავშირებით და ყველა პოლიტიკურ ძალას მოვუწოდებთ, იმოქმედონ თავშეკავებით, მოახდინონ სიტუაციის დეესკალაცია და მოძებნონ კონსტრუქციული გამოსავალი, რაც საქართველოსა და მის ყველა მოქალაქის ინტერესებშია. ჩვენ ხაზს ვუსვამთ კანონის უზენაესობისა და პოლიტიკური დიალოგის კრიტიკულ მნიშვნელობას არსებული კრიზისის გადასაჭრელად.

ჩვენ შეშფოთებული ვართ ნიკა მელიას, მთავარი ოპოზიციური პარტიის, „ერთიანი ნაციონალური მოძრაობის“ ლიდერის დაკავებით. ეს რისკის ქვეშ აყენებს მმართველ პარტიასა და ოპოზიციას შორის დიალოგის შესაძლებლობას.

ჩვენ გვჯერა საქართველოს, როგორც თავისუფალი, დამოუკიდებელი და დემოკრატიული სახელმწიფოს მომავლის.

ჩვენ მხარს ვუჭერთ საქართველოს მოქალაქეების არჩევანს, საკუთარი ქვეყნის მომავალი დაუკავშირონ დემოკრატიულ ტრანსატლანტიკურ საზოგადოებას და მიმართონ ევროკავშირსა და ნატოში ინტეგრაციისკენ. ჩვენ ხაზს ვუსვამთ პოლიტიკური სტაბილურობის მნიშვნელობას საგარეო პოლიტიკის ამ ამბიციური მიზნების მისაღწევად“, - ნათქვამია ერთობლივ განცხადებაში.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს