თბილისის სატრანსპორტო კომპანიაში აცხადებენ, რომ მეტროსა და ავტობუსებში სადეზინფექციო სამუშაოები ყოველდღიურად მიმდინარეობს

თბილისის სატრანსპორტო კომპანიის მედიასთან ურთიერთობის მენეჯერის, თამაზ რობაქიძის განცხადებით, მეტროსა და ავტობუსებში სადეზინფექციო სამუშაოები ყოველდღიურად მიმდინარეობს.

როგორც მან ჟურნალისტებს განუცხადა, დღეიდან თბილისის მეტრო და მუნიციპალური ავტობუსები ყოველდღიურად 21:00 საათამდე მოემსახურებიან მგზავრებს.

„თბილისის სატრანსპორტო კომპანიის დაქვემდებარებაში არსებული თბილისის მეტრო და მუნიციპალური ავტობუსები დღეიდან ყოველდღიურად მოემსახურებიან მგზავრებს ჩვეულ რეჟიმში 21:00 საათამდე. რჩება მხოლოდ ერთი შეზღუდვა, რაც აქამდეც იყო, ეს არის პირბადით მგზავრობა. ამას თბილისის მეტროს შესასვლელებში აკონტროლებენ ჩვენი კომპანიის თანამშრომლები და ასევე, მეტროს პატრულის თანამშრომლები. ასევე ავტობუსს ამოწმებენ კონტროლიორები და კონდუქტორები აკონტროლებენ და არ დაიძვრება იმ შემთხვევაში, თუ რომელიმე მგზავრს არასწორად უკეთია პირბადე ან საერთოდ არ უკეთია. კომპანია ასევე ითვალისწინებს იმ რეკომენდაციებს, რაც იყო მანამდე და ყველა ავტობუსის, ყველა მეტროსადგურის და მეტროს ვაგონის დეზინფექცია ხდება ყოველდღე, ვიდრე მოემსახურებიან მგზავრებს. დეზინფექცია ტარდება მსოფლიო ჯანდაცვის ორგანიზაციის მიერ რეკომენდირებული სადეზინფექციო საშუალებებით“, - განაცხადა თამაზ რობაქიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს