ჩვენი პარტნიორებისთვის არანაირი საიდუმლო გზავნილი არ გვაქვს“,- ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ, „ნაციონალური მოძრაობის“ ოფისში, ოპოზიციის შეხვედრის შემდეგ ჟურნალისტებთან ევროპული საბჭოს პრეზიდენტის შარლ მიშელის საქართველოში ვიზიტზე საუბრისას განაცხადა.

როგორც ბოკერია აცხადებს, კრიზისიდან გამოსავალი პოლიტპატიმრების გათავისუფლება და ხელახალი არჩევნების დანიშვნაა.

„ჩვენი პარტნიორებისთვის არანაირი საიდუმლო გზავნილი არ გვაქვს. ჩვენ მიგვაჩნია, რომ კრიზისიდან გამოსავალი არის ერთადერთი, კრიზისიდან სწრაფი გამოსავალი და ნაკლები ზიანი. ასევე, პოლიტპატიმრების გათავისუფლება, სამარცხვინო სპეცოპერაციით დაკავებული ნიკა მელიას და 8 მარტის შეთნახმებიდან ციხეში დატოვებული გიორგი რურუას გათავისუფლება, სისხლის სამართლის დევნის დასრულება. დასხდომა მოლაპარაკებაზე, ვადამდელი არჩევნების თაობაზე ტექნიკურ დეტალებზე საუბარი იმ პაკეტით, რაც ოპოზიციამ შეიმუშავა და წარადგინა“,-აცხადებს ბოკერია.

კითხვაზე, როგორ აფასებს იმ ფაქტს, რომ საერთაშორისო გამოხმაურებამ გარკვეულწილად შეცვალა ხელისუფლების რიტორიკა, გიგა ბოკერია ასე პასუხობს: “ჩვენ გვაინტერესებს ნაბიჯები, რიტორიკაში ვირეშმაკული პიარსვლები არაფერს არ ცვლის, როცა დავინახავთ ნაბიჯებს, ეს იქნება შედეგი“.