არგენტინაში ვაქცინაციასთან დაკავშირებული სკანდალი ათასობით ადამიანმა გააპროტესტა. აქტივისტები აცხადებდნენ, რომ ქვეყანაში ვაქცინაციაზე პრივილეგია არავის არ უნდა ჰქონდეს.

„შეწყვიტეთ ჩვენი ფულის ფლანგვა“, - სკანდირებდნენ აქტივისტები. მათ პრეზიდენტის სასახლის ღობეზე შავი ფერის ტომრები ჩამოკიდეს, რომლებზეც იმ ლიდერების ვინაობა იყო მიწერილი, რომლებმაც ვაქცინა გაიკეთეს.

მედიის ინფორმაციით, 22 თებერვალს არგენტინის მთავრობამ იმ ადამიანების სია გამოაქვეყნა, რომლებმაც ვაქცინა ოფიციალური კამპანიის მიღმა მიიღეს. მათ შორის იყვნენ 38 წლის ეკონომიკის მინისტრი, ყოფილი პრეზიდენტი, მისი ცოლი და შვილები.

ოფიციალური ინფორმაციის მიხედვით, ამ დროისთვის არგენტინაში 1 მილიონზე მეტი ვაქცინა გაკეთდა.