ბიძინა ივანიშვილის რეზიდენციასთან სამოქალაქო აქტივისტები და „მოძრაობა საქართველოსთვის“ წევრები მივიდნენ. მათ რეზიდენციასთან მიახლოების უფლებას ადგილზე მობილიზებული სამართალდამცავები არ აძლევენ, რასაც აქტივისტების მხრიდან შეძახილები ახლავს. აქციის მონაწილეები პოლიციელებს კორდონის დაშლისკენ მოუწოდებენ.

აქტივისტების მთავარი მოთხოვნა ვადამდელი არჩევნების დანიშვნა, ე.წ. პოლიტპატიმრების გათავისუფლება და საარჩევნო ადმინისტრაციის ცვლილებაა. მათი განცხადებით, ბიძინა ივანიშვილი ფორმალურად გაიწია პოლიტიკის კეთებისგან, თუმცა ფორმალურ მმართველად რჩება და მათი მოთხოვნების შესმენა მხოლოდ მას შეუძლია.