ოპოზიციური პარტიები მხარდამჭერებთან ერთად დღეს პარლამენტის შენობის პიკეტირებას გეგმავს. საპროტესტო ღონისძიება 09:00 საათზეა დაგეგმილი.

როგორც ოპოზიციური პარტიების ლიდერები აცხადებენ, საკანონმდებლო ორგანოს პიკეტირება მშვიდობიანი აქტი იქნება, რითაც არჩევნების გაყალბებას და ქვეყანაში პოლიტპატიმრების არსებობას გააპროტესტებენ.

„მშვიდობიანი აქციები ყოველგვარი ფიზიკური ძალადობის რისკის გაზრდის გარეშე დემოკრატიული საზოგადოების ნაწილია. მშვიდობიანი პიკეტირება იქნება“, - განუცხადა ჟურნალისტებს „ევროპული საქართველოს“ ერთ-ერთმა ლიდერმა გიგა ბოკერიამ.