ირაკლი ზარქუა - პროკურატურა იმითაა დაკავებული, კიდევ რა მოიგონოს, რომ ნიკა მელია გარეთ გამოუშვას: - გირაოს გირაო არ არსებობს - მოვიგონეთ, რომ ოპოზიცია ჩიხში არ შევიდეს

საფრანგეთის ყოფილ პრეზიდენტს 3-წლით თავისუფლების აღკვეთა მიესაჯა, მაგრამ ადგილობრივ ოპოზიციას არ უთქვამს, რომ ეს პოლიტიკური დევნა იყო - ცივილიზებული სამყარო შეთანხმდა, რომ არ შეიძლება სახელმწიფო ინსტიტუტების წინააღმდეგ გაილაშქრო და ეს პასუხის გარეშე დარჩეს, - აღნიშნული განცხადება პარლამენტის პლენარულ სხდომაზე, დეპუტატმა ირაკლი ზარქუამ გააკეთა.

მისი თქმით, კანონის წინაშე მნიშვნელობა არა აქვს სტატუსს: - ხარ პოლიტიკოსი, დეპუტატი თუ ექს-პრეზიდენტი.

„ჩემი კოლეგებიდან არავის გახარებია იმუნიტეტის მოხსნა. პროკურატურა იმით არის დაკავებული, კიდევ რა მოიგონოს, რომ ეს ადამიანი (ნიკა მელია) გარეთ გამოუშვას: - გირაოს გირაო შეუფარდა, რა პრეცედენტიც არ არსებობს. ხომ ვიცით, არა - მოვიგონეთ! რაღაც მოიგონა პროკურატურამ იმისათვის, რომ ოპოზიცია კიდევ ჩიხში არ შევიდეს, გამოვიდეს და ილაპარაკოს. ეს არის მმართველი პარტიის არჩევანი, ხელწერა და მიდგომა - კონსტრუქციულობა და დიალოგის რეჟიმი“, - განაცხადა ირაკლი ზარქუამ პლენარულ სხდომაზე.

მან აქვე აღნიშნა, რომ საქართველოში რევოლუციური სცენარი არ განხორციელდება და ასეთ სცენარს არც მხარდაჭერა აქვს.

იხილეთ ვიდეო:ირაკლი ზარქუა - პროკურატურა იმითაა დაკავებული, კიდევ რა მოიგონოს, რომ ნიკა მელია გარეთ გამოუშვას

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს