ლევან იოსელიანი - სასამართლოს პრობლემის გადაწყვეტას მთელი ოპოზიციის ძალისხმევა სჭირდება - კრიტიკა და ხმაურიანი განცხადებები ჩვენ არ გვეზარება

სასამართლოს პრობლემის გადაწყვეტას სჭირდება მთელი ოპოზიციის ძალისხმევა, ჩვენ ორ ადამიანს რაც შეგვიძლია, ყველაფერს გავაკეთებთ - კრიტიკა და ხმაურიანი განცხადებები ჩვენ არ გვეზარება და ორი წინააღმდეგი ხმა ჩვენს ხელშია,- ამის შესახებ "მოქალაქეების" ერთ- ერთმა ლიდერმა, ვიცე-სპიკერმა ლევან იოსელიანმა ჟურნალისტებთან განაცხადა, რითაც იუსტიციის არამოსამართლე წევრის, ნაზი ჯანეზაშვილის დღევანდელ ბრიფინგს გამოეხმაურა.

მისი თქმით, სწორედ მართლმსაჯულებას რომ პრობლემები არ ჰქონდეს, პოლიტიკური კრიზისი არ შეიქმნებოდა.

"საქართველოში სასამართლოს არ აქვს ნდობა და ეს არის ძალიან დიდი პრობლემა, სასამართლოს რომ ნდობა ჰქონოდა, დამიჯერეთ პოლიტიკური კრიზისი არ იქნებოდა, რადგან სასამართლო გადაწყვეტდა საკითხს იმდაგვარად, რომ ყველა კითხვას, რომელიც პოლიტიკურ პარტიებს გაგვაჩნდა, გასცემდა პასუხს, მაგრამ სინამდვილეში რა მივიღეთ - 99 პროცენტი საჩივრების არ მიიღო. ამან გააჩინა უნდობლობა ყველაფრის მიმართ. სასამართლოს პრობლემას სჭირდება გადაწყვეტა და ამისთვის საჭიროა მთელი ოპოზიციის ძალისხმევა. ხელისუფლება ამ საკითხს თვითონ არ გადაჭრის, რადგან ეს მოსამართლეები მათ სამსახურში არიან. ჩვენ ორ ადამიანს რაც შეგვიძლია ყველაფერს გავაკეთებთ - კრიტიკა და ხმაურიანი განცხადებები ჩვენ არ გვეზარება და ორი წინააღმდეგი ხმა ჩვენს ხელშია, ეს შეგვიძლია გავაკეთოთ და საზოგადოებას ავუხსნათ, რატომ არის ამ ქვეყანაში ყველა პრობლემა დაკავშირებული მართლმსაჯულებასთან,"- განაცხადა იოსელიანმა.

იუსტიციის უმაღლესი საბჭოს არამოსამართლე წევრი ნაზი ჯანეზაშვილი აცხადებს, რომ უზენაესი სასამართლოს მოსამართლეობის კანდიდატების შერჩევის მიმდინარე პროცესი აღარ უნდა გაგრძელდეს. როგორც ჟურნალისტებს ნაზი ჯანეზაშვილმა განუცხადა, ამის მიზეზი არის ის, რომ შერჩევის პროცედურა ხარვეზებით მიმდინარეობს და იკვეთება ინტერესთა კონფლიქტი. მისივე განმარტებით, უზენაესი სასამართლოს შევსების მიზნით, ამჟამად მოსამართლეობის კანდიდატების შერჩევის პროცესი მიმდინარეობს, რომელშიც გასაუბრების ორგანიზებასთან დაკავშირებით გამოვლინდა არაერთგვაროვანი პრაქტიკა და ორ შემთხვევაში დაირღვა კანონით დადგენილი ვადები.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა