პაატა იმნაძე ვაქცინაციაზე - იმედი გვაქვს, ზაფხულისთვის გეგმას არა მხოლოდ დავეწევით, არამედ გავასწრებთ

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძის ინფორმაციით, პირდაპირი მოლაპარაკებები მიმდინარეობს გარკვეულ მწარმოებლებთან, რომლებიც ავტორიზებულ ვაქცინებს აწარმოებენ.

როგორც იმნაძემ ტელეკომპანია „პალიტრანიუსის“ ეთერში, გადაცემა „360 გრადუსში“ განაცხადა, აქვთ იმედი, რომ მარტში პირველი პარტიებით ყველაზე მაღალი რისკის მქონე ადამიანების ვაქცინაცია დაიწყება.

,,ავტორიზაციას ამჟამად გადის კიდევ რამდენიმე ვაქცინა ჯანმრთელობის მსოფლიო ორგანიზაციაში. მოგეხსენებათ, ჩვენი საგარეო საქმეთა მინისტრის მოადგილე მესამე დღეა წასულია. მათ შორის ინდოეთში პირდაპირი მოლაპარაკებები მიმდინარეობს გარკვეულ მწარმოებლებთან, რომლებიც ავტორიზირებულ ვაქცინებს აწარმოებენ. დიდი იმედი გვაქვს, რომ ზაფხულისათვის გეგმას არამხოლოდ დავეწევით, არამედ გავასწრებთ კიდეც. იმედი გვაქვს, რომ მარტში დავიწყებთ პირველი პარტიებით ყველაზე მაღალი რისკის მქონე ადამიანების ვაქცინაციას“, - აღნიშნა პაატა იმნაძემ.

მისივე თქმით, თუ ქვეყანა 160 000 დოზა “ასტრაზენეკას” ვაქცინას მიიღებს, განიხილება საკითხი, რომ ერთჯერადად აცრით მოხდეს ადამიანების მაქსიმალურად მოცვა.

,,თუ 160 000 დოზა იქნება “ასტრაზენეკას” ვაქცინა შესაძლებელია პირველ ეტაპზე ჩავატაროთ ერთჯერადი ვაქცინაცია მეტი ადამიანის მაქსიმალურად მოცვით. წამოვიდა ახალი სამეცნიერო მტკიცებულებები, რომ ერთი დოზა საკმაოდ მაღალ დამცველობით ტიტრებს იძლევა და რაც მთავარია, ადამიანს შესაძლოა ჰოსპიტალიზაცია არ დასჭირდეს ან არ დამძიმდეს. ამიტომ, განიხილება საკითხი, რომ ერთჯერადად მოხდეს ადამიანების მაქსიმალურად მოცვა. ამასობაში, დიდი იმედი გვაქვს, რომ სხვა ვაქცინებიც წამოეწევა, გაიზრდება ვაქცინების წარმოება ზაფხულში დავეწევით მაქსიმალურად და რაც შეიძლება მეტ ადამიანს მოვიცავთ, რომ შემოდგომაზე მოვრჩეთ ადამიანების 60%-ის აცრას“, - განაცხადა პაატა იმნაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს