შალვა პაპუაშვილი - დარწმუნებული ვარ, „ოპოზიციის ნაწილი ადგილობრივ არჩევნებს ბოიკოტს გამოუცხადებს - საინტერესოა, პატარა პარტიები მთლიანად შეეწოვებიან  „ნაცმოძრაობას“, თუ გამოაჩენენ, რომ მხრებზე საკუთარი თავი ადგათ

მე დარწმუნებული ვარ, რომ ოპოზიციის ნაწილი, მაგალითად „ნაციონალური მოძრაობა“ და ა.შ. ბოიკოტს გამოუცხადებს ადგილობრივ არჩევნებს იმიტომ, რომ ისინი არჩევნების გზით ძალაუფლებას ვერ იღებენ, - ამის შესახებ საპარლამენტო უმრავლესობის ერთ-ერთმა ლიდერმა შალვა პაპუაშვილმა „პალიტრანიუსის“ გადაცემა „დღის ნიუსრუმში“ განაცხადა.

მისი განმარტებით, „ნაციონალური მოძრაობის“ „ერთადერთი მიზანია, როგორმე ბუნტი მოაწყოს ქვეყანაში“.

„მე დარწმუნებული ვარ, რომ ოპოზიციის ნაწილი, მაგალითად „ნაციონალური მოძრაობა“ და ა.შ. ბოიკოტსაც გამოუცხადებს არჩევნებს იმიტომ, რომ ისინი არჩევნების გზით ძალაუფლებას ვერ იღებენ. ეს არის პრობლემა, რასაც აწყდებიან და ცდილობენ სხვა გზების მონახვას. ლოგიკურია, რომ ისინი ბოიკოტს გამოუცხადებენ არჩევნებს იმიტომ, რომ მოქალაქეების იმედი არ აქვთ, არჩევნების იმედი არ აქვთ. მათი ერთადერთი იმედია, რომ იქნებ რამენაირად ბუნტი გამოიწვიონ ამ ქვეყანაში. მათ დემოკრატია საერთოდ არ აინტერესებთ. დააკვირდით 2012 წლიდან მოყოლებული მათ პოლიტიკურ გზას. ეს იყო ბოიკოტის გზა ყოველთვის, ეს იყო არჩევნების არაღიარება - არცერთი არჩევნები არ უღიარებიათ. 2012 წლის არჩევნებს დღემდე არ აღიარებენ და ამბობენ, რომ რუსული პროექტიაო. არც 2016 წლის არჩევნები აღიარეს და წინა პარლამენტში ნახევარი დრო ბოიკოტში გაატარეს. მათ არ აინტერესებთ ქართველი ამომრჩევლის ნება, „ნაციონალური მოძრაობის“ ჯგუფს აინტერესებს ძალაუფლება. ახლა ერთადერთი საკითხი პატარა პარტიებია, ისინი მთლიანად შეეწოვებიან თუ არა „ნაციონალურ მოძრაობას“, თუ რამენაირად გამოაჩენენ, რომ მხრებზე საკუთარი თავი ადგათ. ბოიკოტი გამორიცხული კი არა, მოსალოდნელიც არის „ნაციონალური მოძრაობის“ მხრიდან. მათ არჩევნები არ აინტერესებთ. მათ აინტერესებთ ძალაუფლება და ცდილობენ, რომ ამას არადემოკრატიული გზით მიაღწიონ.

ჩვენ ჩვენს გასაკეთებელს ვაკეთებთ. ამ პუნქტებში, რომელსაც თვითონ ასახელებენ {ხელისუფლებასა და ოპოზიციას შორის გამართულ ბოლო შეხვედრაზე განსაზღვრული 6 პუნქტი} წერია საარჩევნო რეფორმა - ჩვენ ვაკეთებთ, წერია საგამოძიებო კომისია - ჩვენ ვაკეთებთ. ისინი არიან გარეთ, ისინი არ აკეთებენ არაფერს, მხოლოდ საუბრობენ და ღლიან ქართულ საზოგადოებას საკუთარი საუბრით. ეტყობა საზოგადოებას, რომ დაიღალა უკვე. ხან პროტესტს გამოაცხადებენ, ხან პიკეტს და საზოგადოება მათ მხარდასაჭერად ვხედავთ, რომ არ მიდის“, - განაცხადა პაპუაშვილმა.

როგორც პაპუაშვილმა აღნიშნა, ოპოზიციური სპექტრი მოლაპარაკებებიდან არაფერს ელის, რადგან შეთანხმება არ სურს.

„საქმე ის არის, რომ ოპოზიცია არც არაფერს ელის. სამწუხაროდ, ეს არის რეალობა, რასაც ჩვენ ყოველ ჯერზე ვხედავთ და რაც დადასტურდა. ჩვენი ნათქვამი ხომ არ არის? ეს თქვეს „მოქალაქეებმა“ და „გირჩმა“, რომლებიც შიგნით იყვნენ ოპოზიციასთან და თქვეს, რომ იქ არის „ნაციონალური მოძრაობა“, რომელსაც უბრალოდ არ სურს მოლაპარაკება და შეთანხმება. რატომ არ სურთ? იმიტომ, რომ მათ არ სურთ ოპოზიციის როლი, მათ სურთ ძალაუფლება. ამ ძალაუფლებას ხალხის მანდატით ვერ იღებენ და ამიტომ ცდილობენ გარკვეულ მღელვარებას. ეს ყველაფერი მოლაპარაკების სიმულაცია რომ არის, იმანაც გვაჩვენა, რომ პრეზიდენტ მიშელთან შეხვედრიდან 10 საათიც არ იყო გასული, როცა იქ დავარცხნილი საუბრის შემდეგ გადაერთვნენ პიკეტირებაზე და დეპუტატების შეურცხყოფაზე“, - განაცხადა პაპუაშვილმა.

იხილეთ ვიდეო:ოპოზიციის ნაწილი ადგილობრივ არჩევნებს ბოიკოტს გამოუცხადებს - პაპუაშვილი

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს