სოფელ გლდანში, 26 მაისის ქუჩაზე საგზაო სამუშაოები მიმდინარეობს

სოფელ გლდანში, 26 მაისის ქუჩაზე საგზაო სამუშაოები მიმდინარეობს.

როგორც „ინტერპრესნიუსს“ დედაქალაქის მერიიდან აცნობეს, სოფელ გლდანში, 26 მაისის ქუჩის მონაკვეთზე (N145-დან - N94-მდე) გზის კაპიტალური რეაბილიტაცია მიმდინარეობს.

მათივე ინფორმაციით, აღნიშნულ ნაწილზე მოწესრიგდა მიწისქვეშა კომუნიკაციები, რის შემდეგაც გზის კაპიტალური რეაბილიტაციის სამუშაოები ხორციელდება.

„პროექტის ფარგლებში, დაახლოებით, 1 900 კვადრატულ მეტრ ფართობზე ასფალტის საფარი იგება. ასევე, N108 ავტობუსის ბოლო გაჩერებიდან აღმაშენებლის ქუჩამდე მოეწყობა სანიაღვრე ქსელი და დაიგება გზის საფარი. ჯამში, სამუშაოებისთვის გამგეობის ბიუჯეტიდან დაახლოებით, 230 000 ლარი არის გათვალისწინებული.

რაც შეეხება 26 მაისის ქუჩის დარჩენილ მონაკვეთს, გზის ფრაგმენტული შეკეთება მიმდინარეობს. აღნიშნულ დასახლებაში გასულ წელს გამგეობის მიერ მოეწყო წყალარინების ქსელი. გარკვეულ ნაწილზე შესაცვლელია წყლის ქსელი, რომლის მოწესრიგებაც კომპანია ,,ჯორჯიან უოთერ ენდ ფაუერს“ მომავალ წელს აქვს დაგეგმილი. ამის შემდეგ გამგეობა გზის დარჩენილი ნაწილის კაპიტალურ რეაბილიტაციას განახორციელებს.

აღნიშნულ დასახლებაში წყალარინების ქსელი საერთოდ არ არსებობდა. გლდანის გამგეობამ 6 500 გრძივ მეტრზე წყალარინების ქსელი მოაწყო. სამუშაოების მიმდინარეობას გლდანის რაიონის გამგებელი ლევან ნაროუშვილი გაეცნო“, - აღნიშნავენ გავრცელებულ ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს