ვახტანგ გომელაური აცხადებს, რომ სამართალდამცავებმა ნიკა მელიას დაკავების დღეს „ნაცმოძრაობის“ ოფისიდან სერვერები „ოფიციალურად ამოიღეს“

შინაგან საქმეთა მინისტრი ვახტანგ გომელაური აცხადებს, სამართალდამცავებმა ნიკა მელიას დაკავების დღეს „ნაციონალური მოძრაობის“ ოფისიდან სერვერები „ოფიციალურად ამოიღეს“ . ამის შესახებ მინისტრმა პარლამენტში ჟურნალისტებს განუცხადა.

„სერვერები ოფიციალურად იყო ამოღებული. ეს არ იყო ისე, როგორც გამოვარდნენ და თქვეს - მოიპარეს გაიტაცეს, გამოგლიჯეს და წაიღეს. ეს ოფიციალურად ამოვიღეთ. ვნახეთ, იქ პოლიციის წინააღმდეგ ძალადობა მოხდა. ამოვიღეთ, დავათვალიერეთ ვიდეოფაილები და უკან ვუბრუნებდით. ვუთხარით, წაიღეთ. წერილობითაც მივმართეთ და განცხადებაც გავაკეთეთ, თუმცა ჯერ კიდევ, როგორც ვიცი, არ წაუღიათ „ნაციონალური მოძრაობის“ წარმომადგენლებს“, - განაცხადა გომელაურმა.

ამასთან, როგორც მან აღნიშნა, უწყება არ არის ვალდებული ასეთ შემთხვევაში საქმის კურსში ჩააყენოს სახელმწიფო ინსპექტორის სამსახური,

„ჩვენ ნამდვილად არ ვართ ვალდებული, რომ სახელმწიფო ინსპექტორის სამსახური საქმის კურსში ჩავაყენოთ ამა თუ იმ ღონისძიებისას, ან ვიდეოაპარატურის ამოღების დროს. ეს კანონით არანაირად არ გვევალება. ვთქვათ, თუ მოხდა იგივე პოლიციაზე ძალადობა, მკვლელობა, მკვლელობის მცდელობა, ჩვენ არ ვართ ვალდებული ვინმე ჩავაყენოთ... განჩინების საფუძველზე შეგვიძლია ამოვიღოთ ვიდეო-მასალა და დავათვალიეროთ“, - განაცხადა გომელაურმა .

კითხვაზე, თუ რამდენად კანონის ფარგლებში მოხდა სერვერის ამოღება, მინისტრმა ასე უპასუხა: „მაგაზე დეტალებში ხომ არ შევალთ?“.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
ქართული პრესის მიმოხილვა 25.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა