პოლიციელები არ არიან იმის ღირსი, რომ ქვეყნის გარეთ რომელიღაც ძებნილმა მათ შეურაცხყოფა მიაყენოს,- ამის შესახებ ფრაქცია „ქართული ოცნების" თავმჯდომარე მამუკა მდინარაძემ ჟურნალისტებთან „მინისტრის საათის“ ფორმატში შს მინისტრის, ვახტანგ გომელაურის მოსმენის კომენტირებისას განაცხადა.

მისი თქმით, დღეს პარლამენტში დაისვა ყველა კითხვა, რაც საზოგადოებას აინტერესებდა და შინაგან საქმეთა მინისტრს დეტალური პასუხები ჰქონდა.

„დღეს ვახტანგ გომელაურმა ისაუბრა იმ რეფორმებზე, რომელმაც კონკრეტული წარმატებები მოიტანა ამ ქვეყანაში პოლიციური მიმართულებით და ისაუბრა იმ პოლიციელებზე, რომლებიც დღე და ღამე ჩვენი საზოგადოების უსაფრთხოებაზე ზრუნავენ და თავი აქვთ გადადებული ამ საქმისთვის. ისინი დასაფასებლები არიან, არ არიან ღირსები, რომ ქვეყნის გარეთ რომელიღაც ძებნილმა მათ შეურაცხყოფა მიაყენოს, არ ჰყავს ამ ქვეყანას ასეთი ხალხის დასამუქრებელი პოლიციელები, მათ სჭირდებათ დაფასება და მათ საქმიანობას სწორი შეფასება, "- განაცხადა მდინარაძემ.