ლიეტუვას საგარეო საქმეთა მინისტრის განცხადებით, ლიეტუვას და ევროკავშირის ქვეყნების საგარეო საქმეთა მინისტრები საქართველოსთან დაკავშირებით „მედიატორთა ჯგუფის“ შექმნას აპირებენ

ლიეტუვას საგარეო საქმეთა მინისტრის გაბრიელიუს ლანდსბერგისის განცხადებით, ევროკავშირის ქვეყნების საგარეო საქმეთა მინისტრები ქმნიან „მედიატორთა ჯგუფს“, რომელიც „საქართველოს პოლიტიკური კრიზისის მოგვარებაში დაეხმარება“. ამის შესახებ ინფორმაციას ლიეტუვას მედია ავრცელებს.

მათივე ცნობით, კითხვაზე - აპირებს თუ არა თავად საქართველოში ჩასვლას, ლანდსბერგისმა განაცხადა, რომ „ევროკავშირის უფრო დიდი დელეგაცია შეიძლება ჩავიდეს საქართველოში“.

„არსებობს გეგმები ამ საკითხთან დაკავშირებით. ჩვენ ახლა ვმსჯელობთ, სარგებლის მომტანი იქნება თუ არა ასეთი ვიზიტი. საგარეო საქმეთა მინისტრების მედიატორთა ჯგუფი იქმნება და მასში ნამდვილად შევა ერთზე მეტი ქვეყნის წარმომადგენელი. მიმაჩნია, რომ მნიშვნელოვანი იქნება, თუკი საქართველო სიგნალს მხოლოდ ლიეტუვასგან არ მიიღებს. ეს უნდა იყოს ევროპული სიგნალი, რადგან ჩვენ ვსაუბრობთ საქართველოს მიმდინარე ევროპულ და ტრანსატლანტიკურ ინტეგრაციაზე“, - განუცხადა მინისტრმა ჟურნალისტებს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
კახა ოქრიაშვილი - 15 მაისის აქციის სამზადისში აქტიურად ვარ ჩართული