გრიგოლ გეგელია იგორ კოლომოისკისთვის დაწესებულ სანქციებზე - ჩვენ არ გვინდა იგივე ვნახოთ საქართველოში

„ლელო საქართველოსთვის“ წევრის გრიგოლ გეგელიას განცხადებით, სახელმწიფო დეპარტამენტმა უკრაინელ ოლიგარქს იგორ კოლომოისკის სანქციები დაუწესა, რაც იმას ნიშნავს, რომ აშშ მსოფლიო პოლიტიკაში ძალიან მკაფიო მორალური მესიჯით დაბრუნდა. მისივე განმარტებით, მათი სურვილი არ არის, რომ სანქციების სახით იგივე ნახონ საქართველოში. ამიტომ, მისივე თქმით, დროა მუშაობა დაიწყოს სწორი შემართებითა და პატრიოტიზმით და მედიაციის ფორმატში აუცილებლად შეასრულონ ის უმნიშვნელოვანესი დავალება, რომელიც ევროპის საბჭოს პრეზიდენტის შარლ მიშელის ფასილიტაციითა წარმოდგენილი.

„ჩვენ გუშინ ვნახეთ ამის მნიშვნელოვანი გამოხატულება, როდესაც სახელმწიფო მდივანმა სამგზავრო აკრძალვები დაუწესა კოლომოისკის და მის ოჯახს. ვნახეთ საინტერესო რაციონალიზაცია იმის, თუ რატომ დაუწესდა ეს აკრძალვები ამ კონკრეტულ ოლიგარქს. დაუწესდა იმიტომ, რომ აშშ უპირობო მხარდაჭერას უცხადებს პოლიტიკურ-ეკონომიკურ და მართლმსაჯულების რეფორმას, როგორც უკრაინაში, ისე ფართო რეგიონში და სრულიად მსოფლიოს მასშტაბით. ნებისმიერი ის პირი, რომელიც ხელს შეუშლის ამ მიმართულებით გადადგმულ პოზიტიურ ნაბიჯებს, ხელს შეუშლის უკრაინის, საქართველოს მოლდოვასა და სხვა ქვეყნების ეევროატლანტიკურ შემართებას, ისინი იქნებიან მსგავსი სანქციების საგანი. ჩვენ ძალიან მკაფიოდ ვისმენთ აშშ-ს სახელმწიფო დეპარტამენტის განცხადებაში იმას, რომ ეს სანქციები არ არის ერთჯერადი და რომ ისინი გატარდება სხვა პირთა მიმართ უკრაინასა და ფართო რეგიონში საჭიროების მიხედვით. შესაბამისად, მნიშვნელოვანია გვახსოვდეს, რომ აშშ მსოფლიო პოლიტიკაში ძალიან მკაფიო მორალური მესიჯით დაბრუნდა და ეს მესიჯი არის ის, რომ დემოკრატიას, გამჭვირვალობასა და ევროატლანტიკურ შემართებას არავითარი ალტერნატივა არ გააჩნია. დიდი ყურადღებით ვაკვირდებით ამ პროცესს, რადგან ჩვენთვის ძალიან მნიშვნელოვანი პარტნიორია აშშ, რომელსაც საქართველოს განვითარებაში დიდი ამაგი აქვს შეტანილი“, - განაცხადა გრიგოლ გეგელიამ და აღნიშნა, რომ „ჩვენ არ გვინდა, იგივე ვნახოთ საქართველოში და საქართველო მოხვდეს იმავე ტიპის ჰედლაინში. ჩვენ გვინდა, რომ საქართველოში დემოკრატიულმა პროცესმა მაქსიმალურად იზეიმოს“.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს